Triforium

Dat artikel es geschreevn in 't Zuudôostelik West-Vlams.

---

Vetgedrukte tekst

E gloazn triforium in den dom van Keuln

Et triforium es ne loopgank in de meur tusschn de middnbeuke en de zybeukn van romoansche en gotische kerkgebouwn. Vanof de ground bekeekn, ziet et d'ruut lik e dwerggalery da ounder de boovnluchtn zit. Et triforium zit bachtn die dwerggalery. Oe der ginnen gank en es, noemn me 't en blend triforium.

Dat es nog en overbluufsel uut 'n tyde van de Romeinse basilica. Die galery wos toun gebruukt vo commerce te doen en vo te discuteern. Loater es et en decoratief element gekommn.

In de hooggotiek (13e-14e eeuwe) gebruuktn ze surtout et gloazn triforium vo meer lucht na binn te trekkn en 't zo kloarder te moakn. In de loatn gotiek (15e-16e eeuwe) makten ze de boovnluchtn veel grodder en viel et triforium helegansn weg (tweedeligen upstand).

Dwerggaleryen zyn typisch vo de romoansche kunste. 't Es doamei dan ze dikkers van roundboogn zyn voorzien, ook in gotische gebouwn.

Et triforium in Malmesbury Abbey in Iengeland, tusschn de boovnluchtn en de scheeboogn

Ofbeeldiengn die ier by passn ku je vien in de categorie Triforium van Wikimedia Commons.