Bôomvalke

De bôomvalke (Falco subbuteo) es nen rôofveugel uut de familie van de valkachtign.

Falco subbuteo

UutzichtBewerken

De bôomvalke es een klêen valkse, ie gelykt een bitje ip de slechtvalke moar ie es dus klinder. Ie eit ôok nen vee langere steirt als de slechtvalk. Zyn witte koake es echter vrêe gelyk. Zyn broek es bruunrôod. De mannekes en de vrouwkes zien der 't zelfste uut, moar et vrouwke es een bitje grôter.

VerspreidiengeBewerken

Ge vindt de veugel vôorol ip oopn plekkn mè vee woater, lyk moerassn, veengebiedn en heideveldn. In West-Vloandern keun je ze bievôorbeeld vindn in De Goavers. Ie koomt ier in de zomer, moar in de winter goat ie overwintern in Afrika.

EetnBewerken

De bôomvalke es nen echte rôofveugel, en ie joagt ip spectaculaire maniere ip rappe veugels gelyk de zwoaluwe. Andere veugels da't ie geirn eet zyn piepers, kwiksteirtn, lêeuwerikn en sprêeuwn. Moar ie zoe ôok ne kêe een libelle durvn ipeetn.

LeevnswyzeBewerken

De bôomvalke makt nie zelve zyn nest, moar ie gebruukt oude kroaienestn. Achter da't ie were gekoomn es van Afrika begunt ie redelyk loate te broedn: ze leggen gin eiers in meie, moar begun juni. Ze leggn oungeveer 3 eiers, die achter 4 weekn uutkoomn. 4 weekn loater keun de joungn vliegn en nog ne kêe 45 doagn loater keun ze zelfstandig joagn.