Benvenuto Cellini

Benvenuto Cellini (Firenze, 3 november 1500 – Firenze, 13 februoari 1571) was ‘n Italioanschn goudsmed en beeldhouwer en e belangrykn maniërist. Je schrêef ook zyn autobiografie. Je reisde vele en over die reizn schrêeft ‘n gêestige versloagn me fantastische verhoaln.

Buste van Benvenuto Cellini ip de Ponte Vecchio, Firenze

Zyn jeugd

Benvenuto Cellini is geboorn in Firenze. Zyn ouders woarn Giovanni Cellini, e musicus die muziekinstrumentn makte, en Maria Lisabetta Granacci. Ze woarn achttien joar getrouwd vo dan z’under êeste kiend han. Benvenuto was under twidde kiend.

Zyn voader wilde da Benvenuto mee muziekinstrumentn zou moakn, mo j’ha mêer interesse vo metoal. An z’n viftien joar mocht 'n in de lêer goan by de goudsmed, Antonio di Sandro, bygenoamd Marcone.

An z’n zestien joar most ‘n vluchtn uut Firenze achter e stroatgevecht. J’ountvluchtte z’n straffe deur vo zes moandn no Siena te verhuuzn, woa dat ‘n werkte vo de goudsmed Fracastoro.

Achter Siena vertrokt ie no Bologna, woa dat ‘n flute speelde en hem ook verbeterde ols goudsmed. An z’n negentien joar, achter e verbluuf in Pisa en Firenze, vertrokt ie no Rome.

Zyn werk

Cellini's Saliera, gemakt in Parys, 1540-1543

Perseus met de kop van Medusa

Je werkteg' in Parys vo Frans I. Van da werk blêef ollêne over: e grôot bas-reliëf in brons uut 1542-43 me de Nimf van Fontainebleau (Louvre Parys), en e goudn zoutvat (La saliera) uut 1540-43 me Neptunus en Amphitrite die in under blôotn tegenover makkoar zittn (Kunsthistorisches Museum, Wenen). In 2003 is 't gestooln uut 't Kunsthistorisches Museum, moar in 2006 weregevoundn.

Vo den hertog van Toscane, Cosimo I de' Medici, miekt ie Perseus, die de kop van Medusa omhoge houdt, te zien in de Loggia dei Lanzi, de beroemde beeldngalerye ip de Piazza della Signoria in Firenze.

Ofbeeldiengn die ier by passn ku je vien in de categorie Benvenuto Cellini van Wikimedia Commons.