Bolloard (scheepvoart)

E bolloard (Nederlands: bolder) is e korte stoake in metoal of hout ip de koaie, woa dat e schip an vastegemakt wordt met e kabel. 't Kan ook een ounderdêel zyn van 't schip.

De juste maniere vo kabels vaste te leggn

De bolloard is ofgeround van vorm vo 't verslytn van de kabels tegen te goan. En omda ze nie zoun loskommn het de bolloard e dikkere kop an de bovenkant of uutstekende pinn.

De noame is verzekers een ofleidienge van 't Middelnederlands bolle, boomstronk. Da verkloart ook de West-Vlamsche noame bolloard vo gekapte boom.

Bolloard

• Verschillige sôortn
• 
  Bolloard in metoal
• 
  Bolloard in ‘t woater
• 
  Ounderdêel van e schip
• 
  Bolloard vo jachtn

Varia

"De Bollaard" in Blanknberge

• 't Dienstncentrum van 't O.C.M.W. in Blanknberge het de noame De Bollaard gekreegn. Vo 't gebouw stoat er e beeld van e bolloard, d' ankerplekke woa dat iederêen welkom is.

Referentiës

Ofbeeldiengn die ier by passn ku je vien in de categorie Bolloard van Wikimedia Commons.