Bybel

Dat artikel es geschreevn in 't Westhoeks.

---

Den Bybel is 't geloofsboek van de Christenn. 't Is eigentlik e hêle verzoamelienge va boekn, upedêeld in 2 grôte dêeln: 't Oud en 't Nieuw Testament.

Met d'hand geschreevn Bybel in 't Latyn, te zien in Malmesbury Abbey, Wiltshire, Iengeland. Den Bybel is in België geschreevn in 't joar 1407, en diende vo vôorn te leezn in e klôoster

Noame

't Woord Bybel komt van 't Grieksche biblia, die "boekn" wult zeggn, 't mêervoud van biblion (papier, geschrift, boek).

Biblion zevve komt van 'n Feniesieschn oavnstad Byblos, woa dan de Griekn nunder papyrus oaldn.

Betêkenisse

'n Bybel is deur olle Christenn aanzien lik of dat 't Wôord va God is (sommigte stromiengn zien da letterlik, ander mêer symboliesch). 'n Bybel is 't mêest verkochte boek in de weireld.

Inoed

Hêel 't boek goat over de reloasche tusschn God (JHWH by de Joodn) en de menschn, van de scheppienge (Genesis) toet 't ende van de tydn (Apocalyps).

Oud Testament

Den Tanakh, den Bybel van 't joodndom

Set van boekrolln woa da hêel den Tanakh ipstoat

't Goa surtout over de scheppienge en de geschiedenisse van 't vook van Judea. Oek voorspelln der e masse profeetn de komste van de Messias (de redder). De joodn zevve anveirn nie da Jezus de Messias zoe zyn: voe nunder wos 'n e profete lik of dan der zovele woarn.

Pentateuch

• Genesis ('t scheppiengsveroal)
• Exodus ('n uuttocht uut Egypte)
• Leviticus
• Numeri
• Deuteronomium

Profeetn

• Jozua
• Rechters
• Samuel (mêestol in 2 verdêeld)
• Keuniengn (mêestol in 2 verdêeld)
• Jesaja
• Jeremia
• Ezechiel
• Klêne Profeetn (Hosea, Joël, Amos, Obadja, Jona, Micha, Nahum, Habakuk, Zefanja, Haggai, Zacharia, Maleachi)

Geschriftn

• Psalmn
• Spreukn
• Job
• Ooglied
• Ruth
• Kloagliedern
• Prediker
• Esther
• Daniël
• Ezra
• Nehemia
• Kroniekn (mêestol in 2 verdêeld)

Nieuw Testament

't Veroal van de Messias (Jezus), van de êeste Christenn en uuteindelik van 't ende van de weireld.

Evangelies

• Matteüs
• Marcus
• Lucas
• Johannes

Andeliengn van d'apostels

Over d'êeste Christenn.

Brievn van d'apostels

De mêeste komn va Paulus.

Openboarienge van Johannes

Over 't ende van de weireld lik da me ze nu kenn.

Ofbeeldiengn die ier by passn ku je vien in de categorie Bible van Wikimedia Commons.

Externe koppeliengn

• Bijbel on-line