Drietêenstrangeloper

Drietêentrangeloper

Ryk:	Animalia (Bêestn)
Stamme:	Chordata (Chordabêestn)
Klasse:	Aves (Veugels)
Orde:	Charadriiformes (Steltloperachtign)
Familie:	Scolopacidae (Snipachtign)
Geslacht:	Calidris (Strangelopers)

Sôorte

Calidris alba
Pallas, 1764

Den drietêenstrangeloper (Calidris alba) is e veugel uut de familie van de snipachtign (Scolopacidae).

Kenmerkn

Ze kommn oengeveer 20 cantimeter grôot. In de zomer zyn ze rostbruun van kleur met doenkere vleksjes en e wittn buuk. In de wienter kommn ze gryswit met e zwarte vlekke ip under schoere. Z'hen zwarte pôotn met elk drie têens en e zwartn bek.

Z'eetn insectn, klêene worms, slekkn en oengewervelde bêestjes lyk kriftachtign, moar ook wier, mos en zoadjes.

Verspreidienge

De sôorte leeft in Nôord-Amerika, Alaska, Groenland, Spitsbergn en 't nôordelyk dêel van Siberië. Z' overwientern in Zuudwest-Europa, 't westelyk dêel van de Middellandsche Zêe, Afrika, Zuud-Amerika, en Australië. Vo te broedn trekkn ze noa de nôordelyke toendra. An de Vlamsche Kust zyn ze te zien in de wienter ip 't strange langst 't woater. Typisch vor under is dan ze styf zêre weg en were loopn achter de boarn binst dan ze pekkn noar under prôoie.

Drietêenstrangelopertjes ip 't strange

Ofbeeldiengn die ier by passn ku je vien in de categorie Calidris alba van Wikimedia Commons.