Echte gêetn of geweune gêetn (Capra) zyn e geslacht van eevnhoevigen uut de familie van de holhôornigen, woarin dan oek de antiloopn, runders en schoapn zittn. 't Zyn êentige verschillige sôortn, de temme gête is anzien lik en oundersôorte van Capra aegagrus of bezoargête, ol zyn der oek die der en aparte sôorte van moakn.
Eetn surtout ges, dan ze viendn in wêen boovn de boomgrenze. 't Is in tyde e masse up ejoagd, woadeure dat er ollêne nog e kudde overwos in Italië, loater van tyd were uutezet in Zwitserland & Vrankryk (oundermêer in 't nateurpark Vanoise, 'n fotto is doar etrokkn).
Capra nubiana – Nubischn stêenbok
Eritrea, Soedan, Egypte, Israël, Jordanië, Saoedi-Arabië, Jemen, Oman
Ieder generoasje zyn der à peu près 10% miender Nubische stêenbokkn, 't zoudn der in 't wilde mor e 1500 mi zyn.
Capra pyrenaica – Iberischn stêenbok
De bergn van Spanje (nie mir in de Pyreneeën), e klêen groeptje in Portugal, in tyde oek in Vrankryk.
2 oundersôortn zyn uuteroeid (C. p. lusitanica uut Portugal en C. p. pyrenaica in de Pyreneeën, 't latste wuvetje veroungelukt in 2000). Van de oundersôorte C. p. hispanicus zyn der e stik of 8000 over in 't ôostn van Spanje, ol d'aar gêetn in Portugal en in 't centrum en 't westn van Spanje stammn of van 12 bêestn van d'oundersôorte C. p. victoriae, nu zyn der 3500. Olletwêe de sôortn zyn nu indeliks beschermd.
Capra sibirica – Siberischn stêenbok
Zuud-Rusland, West-Mongolië, China, stikkn van India, Pakistan en Afghanistan
't Zoudn in 't wilde 250 000 Siberische stêenbokkn zyn, mo dat aantal vermiendert ossan reke. Ze leevn toet up en hogte van 6700 meiters.
