County Donegal

Dat artikel es geschreevn in 't Noordelik West-Vlams.

---

County Donegal (Iers: Contae Dún na nGall) is e groafschap in 't noordwesten van Ierland, geleegn in d' historische provinsje Ulster. T'hope met de groafschappn Cavan en Monaghant is 't één van de drie groafschappn in Ulster die gèen deel uutmoakn van Noord-Ierland. Historisch stoat 't gebied ook bekend oender de noame Tyrconnell.

Liggienge van 't Groafschap Donegal in Ierland

Donegal hèt 'n ippervlak van 4.841 vierkante kilometer en telt 159.192 (2016) inweuners. Den hoofdstad is Lifford (Leifear) en de grotste stad is Letterkenny (Leitir Ceanainn).

Specioal is da County Donegal moa met één ander groafschap in de Republiek Ierland e styf kleene grenze deelt: Leitrim. 't Grotste deel van de grenze wordt gedeeld met drie groafschappn van Noord-Ierland: Derry, Tyrone en Fermanagh.

't Groafschap is 't meest bergachtig gebied van Ulster en 't bestoat hoofdzoakelyk uut twèe bergkeetns mè leege bergn, 't Derryveagh-gebergte in 't noordn en 't Blue Stack-gebergte in 't zuudn, met Errigal (749 meter) den hoogste top. 't Hèt e diep uutgesleetn kustlyne die nateurlyke loughs (zeeoarms) vormt, waarvan Lough Swilly en Lough Foyle de belangrykste zyn.

Der is e gemoatigd klimoat die gedomineerd wordt deur de Golfstroom, mè warme, vochtige zomers en milde natte wienters. Vo de kust liggn twèe permanent beweunde eylandn, Arranmore en Tory Island, t'hope mè nog e groot deel eylandn met alleene moa tydelyke beweuners. De twèede langste riviere van Ierland, de Erne, komt Donegal Bay binn dichte by de stad Ballyshannon (Béal Átha Seanaidh).

• 
  Valleye Poisoned Glen en Derryveagh-gebergte
• 
  Lough Swilly
• 
  Eyland Arranmore

Plekkn

Plekkn met under Iersche noame (Iengels tusschn haksjes):

• An Fál Carrach (Falcarragh)
• Baile an tSratha (Ballintra)
• Bealach Féich (Ballybofey)
• Béal Átha Seanaidh (Ballyshannon)
• Bun Cranncha (Buncrana)
• Bun Dobhráin (Bundoran)
• Dún na nGall, (Donegal stad)
• Gaoth Dobhair (Gweedore)
• Leifear (Lifford)
• Leitir Ceanainn (Letterkenny)
• Na Cealla Beaga (Killybegs)

Ofbeeldiengn die ier by passn ku je vien in de categorie County Donegal van Wikimedia Commons.