Komyn

Dat artikel es geschreevn in 't Noordelik West-Vlams.

Komyn

Komyn (Cuminum cyminum)

Ryk:	Plantae (Plantn)
Clade:	Angiospermae (Blommeplantn)
Clade:	Eudicotyln (Echte twèezoadlobbign of eudicots)
Orde:	Apiales
Familie:	Apiaceae (Schermblommign)
Geslacht:	Cuminum

Soorte

Cuminum cyminum
L., 1753

Komyn (Cuminum cyminum) is e bloeinde plante van de familie schermblommign (Apiaceae), verzekers ofkomstig van 't oostn van 't Middellansche-Zeegebied of van Egypte. Den dag van vandoage wordn de plantn surtout gekwèekt in de Noord-Afrikoansche landn, 't Middn-Oostn en Indië, moar ook in Mexico.

Kenmerkn

De kruupnde, eenjoarige plante komt toet 30 cm hoge en z' èt doenkergroene bloarn en witte toet purperachtige blommetjes woaruut dan der loater vruchtn oentstoan.

Geschiedenisse

D' Egyptenoarn goavn under gestorvn farao's al komyn mee in de piramiedn. In 't oude Egypte wierd komyn gebruukt vo 't geneezn van loengziektes. De Romeynn gebruuktn komyn in de plekke van peper. Ze moaldn 't kruud ook fyn toet e pasta en smeirdn 't ip under brood. Ten tyde van Karel de Grootn wierd komyn bykans in al de kloosterhoovn angeplant.

Geneeskunde

Deur 't eetn van komyn zoudt de verteirienge bevorderd wordn. Komyn helpt teegn krampn in de buuk, koliekn en diarree. Komyn zuuvert 't bloed en werkt kalmeernd.

Keukn

Komyn smakt fris en scherp. 't Wordt surtout gebruukt in d' Arabische, oostersche en Zuud-Amerikoansche keukn. 't Is ook één van de kruudn vor Indonesische rysgerechtn en vo verschillige Indische chutneys. 't Wordt ook dikwyls toegevoegd an vleesgerechtn in d' Arabische en Mexicoansche keukn, lyk chili con carne. Moa 't smakt ook goed ip brood, koas en likeur.

Komyn is te krygn in zoadn of gemoaln.

Komynzoad en komynpoeier

Ofbeeldiengn die ier by passn ku je vien in de categorie Cuminum cyminum van Wikimedia Commons.