Daniël Heyns
Daniël Heyns, gelatiniseerd Daniel Heinsius (Gent, 9 juni 1580 - Leidn, 26 februoari 1655) was e Vlamsche humanistische gelêerdn. Je was filoloog, dichter en hooglêroare geschiedenisse en pollitieke weetnschappn. Je was internationaal bekend ols uutgever van klassieke tekstn. Je was bykan hêel zyn leevn verboendn an den Universiteit van Leidn, oender andere lik bibliothecoaris.
.jpg)
Deur de probleemn binst de Spoanschn oorloge vluchtign zyn protestantsche ouders in 1583 met under joengers êest noa Veere in Zêeland, ton noar Iengeland en uutendelik noa Vlissiengn in 1588.
In 1596, an zyn zestien joar, giengt 'n noa den universiteit van Franeker in Friesland vo rechtn te studeern oender Henricus Schotanus. In 1598 wierd 'n ingeschreevn in Leidn en je blêef doa vo de reste van zyn leevn. Je studeerde doar oender Joseph Scaliger, en je kwam doar in contact mè Marnix van Sint-Aldegonde, Janus Dousa, Paulus Merula, Hugo De Groot en andere.
|
Ofbeeldiengn die ier by passn ku je vien in de categorie Daniel Heinsius van Wikimedia Commons. |