Den Stienker
- Dit artikel es geschreevn in 't Brugs, en da zou best ozô bluuvn.
Den Stienker is een kanol van an de Leie in Deinze toe an de Noordzee in Zêebrugge.
Den Stienker noemt eigentlik het Schipdonkkanaal of hêel officièl "'t Afleidiengskanol van de Leie" en is 56 km lank. 't Stik tusschn de Leie en 't kanol Brugge-Gent is bevoarbor. Van in de wyk Strobrugge van Moaldegem lopt de voart gelyk met Den Blienker en die twi voartn wordn ton ook dikkels in een trek den Stienker en den Blienker genoemd.
't Wier gegraavn tussen 1846 en 1860. 't Ee z'n name gekreegn omda vroegr et woater van de Leie da stoenk van de vlasindustrieë by Kortryk oldo afgeleid wier no de Nôordzêe. De bedoelinge wos namelik da die stank nie deur Gent zou passeern en ôok vo beter d'oogte van 't woater oender controlle t'oekden. Tusschn Merendree en Zomergem kruust den Stienker me 't kanoal Gent-Brugge dat ol bestoend. Vo da vuul woater nie in da kanoal te loaten loopn, èn ze ne sifong gebouwd. Roend die platse wos er 'n "Goed van Schipdonk" dat zyn name an 't kanol gegeevn êd. 't Er was nog een andere sifong an de kruuschienge met den Damschen voart, mo den deen is in 1940 gedinamiteerd.
Van in de joaren tachentig van de vorige eeuwe, peisde de regerienge van da kanol te moet'n vergrooten vor een verbiendienge tusschen d'have van Gent en Zeebrugghe vo groote scheep'n te kunn'n graav'n. Z'haan hele stikken groend aan weerskanten van 't kanol gerisirvird. Dat plang zoe ook schrik'lik veele nateure kapot gemakt hên. Uutendelik, hên ze in 2022 beslist van da nie te doen. Nog een geluk, da was t'ende van biekans en olve eeuwe miserie vo d'eigenaors, die dadde ollemol nie geestig gevoenden hên, want ze mochten ol dien tied niet doen of veranderen an under eigendom'n.[1]
Gerelateerde artikels
bewerkn| Referenties: |
|