Dikkebusvyver is e vyver die by Dikkebus ligt. 't Woater is ollemoale anevoerd deur de Kemmelbeke, die up 'n Kemmelberg ountspriengt. Deur dan der round de Kemmelbeke nie vele boomn stoan, spoelt er e masse eirde mei en moet er vele ebaggerd zyn (oundermêer in 1990-1991 (200 000 kubiek is toune bachtn 'n vyver in baggerpittn espootn) en 2005). 't Woater van 'n vyver, die en uppervlakte van 36 hectoarn het, dient nu voun drienkwoater voun d'Yperliengn, doanaasn kut er up en an Dikkebusvyver oek evist zyn, de menschn kunn der voarn, wandeln en toet in 2010 etwot drienkn in 't vyverhuus, die over te neemn is.

E fotto van 'n vyver, met up 'n achterground 'n Kemmelberg

Geschiedenisse bewerkn

Over Dikkebusvyver is er 'n êeste kêe eschreevn in 1320, 't wos ol en ende doavôorn dan poaters van d'abdy in Vormezêle 'n vyver egroavn han. 'n Vyver het ossan ediend voun woater nor Yper te loatn stroomn, in 'n tyde me buuzn van êekhout. An de Fransche boas woarn over de streke van Yper, wuldn ze 't woater van de vyver en de sluuzn beschermn en doavôorn moeste Vauban in 1680 e torre zettn, die doa nu nog ossan stoat (teegn de vyver, byn 't vyverhuus).

'n Dag va vadoage bewerkn

't Vyverhuus is sedert 2010 nie mir oopn, mo 't is egliek nog vanolles te doen an de vyver. Buutn visschn kommn de mêeste menschn geweune 'n tour van 2,5 kilomeiters te wandeln. Buutn dadde is er oek nog e kayakpoloclub (de Paddel) en kunn groepn en avontuurn- of vlottntocht doen round en up 'n vyver.

Bêestn en plantn bewerkn

Up 'n vyverdam stoan der verschillige sôortn boomn, surtout beukn, êekn, wulgn, poppeliern en esdôorns die doar eplant zyn en klakkebussn en aar struukn die doa van 't zeste begunn groein zyn.

Van bêestn zittn der surtout woaterveugels (koters, woaterhoens, eendn, mêeuwn en fuutn), aar veugels (lik goais, eksters en aar zangveugels) en vaneigns visschn (snoek, broasm, boarze, karper en poalienk).

Surf and sail bewerkn

Up de Dikkebusvyver ku je wok windsurf-en zeillessn (kampn) volgn.