Dit artikel zou beter herschreevn zyn in 't Toeroets.

Dirk Tanghe (°22 meie 1956, Toeroet) es nen bekendn regisseur en toneelmoaker. J'es nu artistik directeur van e professioneel toneelgezelschap in Olland.

Jeugd bewerkn

Dirk Tanghe is geboren en getogen in Torhout in e familje mei vuuf kinders. Zyn voader stak ol zynen tyd en geld in et verzoameln van schilderiejn en andere kunstvoorwerpn. Zyn moeder, e nogol agressief vromins, moeste rondkommn mei wuk dat er overbleef. Da wos dikkers styf letter en ze reageerde zy dat bykan iedern dag of up eur joenges. Dirk Tanghe zegt dat 'n doar tot up 'n dag van vandoage trauma's an eit overgoudn.

Ol van joenks of adn e hele grote interesse in literature, toneel, film, muzik en cultuur in 't olgemeen. Da wos zynen weireld woa datn em best van ol in voelde. 't Wos ook e maniere, of nen uutvlucht om 't oofd te bien an de doagelikse probleemn dien d'r tuus woarn.

Persoonlik leevn bewerkn

Dirk Tanghe werkt en wunt nu in Utrecht (Olland). Zyn partner es e jeugdvriendinne dat 'n ol kent van oetn twolve wos. J'eit drie kinders mei eur.

Beroepsleevn bewerkn

In de joarn '80 maktn mei zyn theoatervoorstelliengn grootn indruk in heel Vloandern. J'es surtout bekend geroch mei zyn voorstelliengn by Malpertuis en et KVS woa datn verschillende pryzn mei gewonn eit. In Gent ein z'em tot directeur van et Publiekstheoater benomd moa deur persoonlikke probleemn eit 'n da nie te lange keun doene.

In Olland ein z'em upgemerkt achter datn in Utrecht en poar voorstelliengn ad gegeevn. Je viel doa ook up omdatn dikkers overoop lag mei d'acteurs mei wien datn tope moeste werkn. Van 1996 toet'ênde van't seizôen 2007-2008 wastn artistik directeur van de Paardenkathedraal, e professioneel toneelgezelschap uut Utrecht.

Dirk Tanghe es styf creatief en eit e heel eigen maniere van werkn. J'es gekend lik ginne gemakkelikken. Ook zatn mei persoonlikke probleemn en zochte toevlucht tot den drank die zels binst de repetisjes niet te verre weg stoend. Zelve zegtn doarover da zyn leevn getekend es deur de liefdeloze en arte omgevienge woarin datn upgebrocht wos. E kure datn in 2006 in e Schotse klinike gevolgd eit, eitn em d'r were bovenup gebroch.

Externe koppeliengn bewerkn