Discuusje:Legende van den Brugschn beir

Regionoale spellienge in artikels

Pastel, oe je regionoale spellienge gebruukt - wuk da styf goed past in dat artikel ier - zet je toun beter het streektoalpatroon vanvoorn d'rby zettn, lik in Brugge. --Patrick 11 nov 2008 10:21 (UTC)

Ik klappn gin Brugs, wel Nôord-Westvlams. Omdat de Bruggeliengn ol èè gebruukn peisde 'k da 'bèèr' beter paste in dat artikel. (en 'k zyn zelve ook vo de èè-spellienge). Ik zyn vo ‘t schryven in ’t SV en 'k en ol in de ee- discuusje uutgeleid woarom da ‘k gin streektoalpatrôon d’r boovn kunn zettn: dat is ton nie juste vo de reste van ’t artikel.--Pastel 11 nov 2008 11:48 (UTC)

De reiste van 't artikel? 't Es toch e nieuw artikel Pastel? Oe je SV wil schryvn, toun zou je joun artikel beter ernoemn in Lengende van den Brugschn beir. "beir" es SV, "bèèr" es regionoale spellienge. Oe je de regionoale spellienge verkiest, toun beter het streektoalpatroon vanvoorn d'rby zettn.

Zolange d'r gin nieuwe ofsproakn kommn round "ee/ei/èi/èè..." zyn me veroundersteld vo SV te volgn. Want anders begunt 'n een "èè" te schryvn, 'n andern "èi", nog nen andern "èe"... --Patrick 11 nov 2008 12:00 (UTC)

'k Bedoeln dat 't artikel nie geschreevn is in 't Brugs, ollêne mor één woord: Bèèr.--Pastel 11 nov 2008 12:13 (UTC)

'k en wille 't nie up de spits dryvn Pastel. Ik appreciëre jou vo de vele schoon' artikels da j' ier schryft. Moa regionoale spelliengn in artikels en artikelnoamn zounder streektoalpatroon ein me nog noois toegestoan. 'k Hope da je myn standpunt kut verstoan... --Patrick 11 nov 2008 12:36 (UTC)

Ik viendn da wel ip de spits dryvn. De spellienge 'bèèr' past in 'n Brugs artikel en m'en doa gin patrôon vôren nôdig vo da te weetn. D'r goat toch niemand valln over 1 woord zeker! --Zeisterre 11 nov 2008 12:48 (UTC)

"Ik zien nie in woarom dat een Bruggelink zyn peird fonetisch zou moetn schryvn" - dixit Zeisterre in [bewerkn] è/ei/e/ee.. Stellienge 6: nieuwe spellienge vo Brugs 'pærd'.

Oe d'r morn etwien "èe" schryft, of "èi", of "dhq@#fg" vo myn part, meug je 't gynder em uutleggn. 'n Tyd da 'k ik ier in steke, es ook moar vrywillegerswerk. 'k Probere ollene moar e lyne 't oudn in 't geheel. Anders moetn me ook gin oeverloze discuusjes nie mei voern over SV oe je toch junder gedacht wilt doen. --Patrick 11 nov 2008 13:25 (UTC)

Moa Patrick, toch. Je moe gy azo nie ontploffn. ;-). 'k Zyn 'k ik styf blye da je gy doa je tyd wilt insteekn. En 'k zyn nog assan van 't zelfste gedacht da me 'peird' of 'pèèrd' best allemolle ip de zelfste maniere schryvn. Moar os de Bruggeliengn nie kunn leven met de spellienge 'peird' goan 'k ik doa nie moeilik over doen in een Brugs artikel... (met of zounder patrôon) --Zeisterre 11 nov 2008 13:52 (UTC)

Ik apprecieern iederêen die ier tyd instikt. In myn volgnde artikels goa 'k myn were an 't SV oudn, want 'k goan nie mi schryvn over den beir.:)--Pastel 11 nov 2008 14:24 (UTC)

Moar de Bruggeliengn meugn under eigen spellienge gebruukn, 'k ei 'k ik doar totoal gin probleim mei, integendeel! --Patrick 11 nov 2008 19:38 (UTC)

Mor ik zyn gin Bruggelieng !!!--Pastel 12 nov 2008 09:17 (UTC)

Misschiens ier beter e streektoalpatrôon gebruukn me Nôord-West-Vlams? 'k En trouwens juste geleezn: Het dialect van Brugge verdwijnt ten gunste van een soort algemeen Noord-West-Vlaams.--Zeisterre 11 nov 2008 20:14 (UTC)

Ik wete da je tegen 't gebruuk van streektoalpatroon zyt. In veel artikels zyn die bewust gebruukt gewist omda 'n auteur toun beter zyn eigen dialect kut gebruukn. Doar houdt je best rekenienge mei. 't Es toun ook nie de bedoelienge dat er etwien die artikels in SV goat goan zettn. Ik peinze moar an Ezelpôorte, Smeepôorte, Magdalenakerke (Brugge) woar dat datte wel gebeurd es. Vo da je zuk artikels verandert, roade 'k ik an vo dat eerst of te stemmn mei den oorsprounkelikken schryver want nie olleman eit da geirne. 'k Stelle voorn da je d'ofsproakn round Wikipedia:Gebruuk van streektoaln ne kee goed herleest, doarin stoat olles schone uutgeleid. --Patrick 12 nov 2008 10:20 (UTC)

Ik zyn nie teegn 't gebruuk van streektoalpatroon, mo wel vo mýn artikels, omda 'k gin echt Brugs klappn. Ik viendn 't hêel gêestig van Brugse artikels in 't echt Brugs te leezn, mor o 't streektoalpatrôon d'r boovn stoat moet 't artikel ook in 't echt Brugs stoan en veel jounge gastn klappn da nie mi. Ik verbeetern gin artikels mi van andere en o 'k da vroeger wél gedoan en meug je da gerust were droaien. En o myn anvulliengn an 't Brugs artikel nie goed zyn meug je dat ook weg doen.--Pastel 12 nov 2008 10:52 (UTC)

OK! --Patrick 12 nov 2008 11:15 (UTC)

Sorry da'k nogol kort woare gistern, pak et nie persoonlik up hé --Patrick 12 nov 2008 20:27 (UTC)

OK;-) Uus gedacht zeggn zounder makkoar te zien is moeilik.:-)--Pastel 12 nov 2008 21:44 (UTC)

E mens zou vo minder gefrustreerd geroakn... ;-)--Zeisterre 12 nov 2008 20:38 (UTC)

Ofsproakn moakn over West-Vlamsche spellienge mei twee vrouwn die van wantn weetn, zeg wel. 'k Peinze dan d'r momenteel nie vele stoan te spriengn vo ier toalmeester te speeln :-) --Patrick 12 nov 2008 20:42 (UTC)