Dnipro

Dat artikel es geschreevn in 't Noordelik West-Vlams.

---

Dnipro Дніпро
Liggienge in Oekraïne
Oblast	Dnipropetrovsk
Raion
Coördinoatn	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	409,74 km²
Inweuners	968.502 (2022)
Website	dniprorada.gov.ua

Dnipro (Oekraïens: Дніпро, Dnipro; Russisch: Днепр, Dnjepr; toet 19 meie 2016 Oekraïens: Дніпропетровськ, Dnipropetrovsk; Russisch: Днепропетровск, Dnjepropetrovsk) is met oengeveer êen miljoen inweuners, achter Kiev, Charkiv en Odessa, de vierde stad van Oekraïne en 't administratief center van d'n Oblast Dnipropetrovsk. De stad ligt an de riviere d'n Dnjepr (Oekraïens Dnipro), roend de 400 km zuudôostelik van d'n hoofdstad Kiev in 't centroal ôostelik dêel van 't land.

't Land roend de stad is grôot'ndêels vlak. De mêeste bebouwienge is ip de rechteroever van d'n Dnjepr, de lienkeroever is natter en doarom minder geschikt vo d'n bouw van huuzn. De regio hèt e mediterroan klimoat mè milde (soms koede), mêestal natte wienters en warme, droge zomers.

In heur geschied'nisse krêeg de stad verschillige noamn. Z' is gesticht oender de noame Jekaterinoslav (vernoemd noa Catharina II van Rusland). In 1797 wierd de stad hernoemd noa Novorossiejsk (wat da 'Nieuw-Ruslandstad' wil zegn). In 1802 krêeg de stad were heur oede noame.

Ot de communist'n an de macht kwoamn in Oekraïne, wierd de noame were veranderd in Sitsjeslav, moa da sloeg nie an en achter e joar kwam 't were Jekaterinoslav. In 1926 krêeg de stad de noame Dnjepropetrovsk. D'n Oekraïensche communist'nleider Grigori Petrovski gaf ton by wyze van propaganda zyn noame an de plekke, met ook e verwyzienge noa de riviere d'n Dnjepr. Dnjepropetrovsk wil letterlik zegn "Petrus-stad an d'n Dnjepr". Achter de val van de Sovjet-Unie wierd beslist vo de stad 'n andere noame te geevn. Da gebeurde in meie 2016 en de noame kwam Dnipro.

Ofbeeldiengn die ier by passn ku je vien in de categorie Dnipro van Wikimedia Commons.