Dordogne (departement)
 Dordogne (24)
| |
|---|---|
|
|
 Liggienge van de Dordogne in Vrankryk | |
| Regio | Nouvelle-Aquitaine |
| Hoofdstad (Préfecture) |
Périgueux |
| Sous-préfectures | Bergerac Nontron Sarlat-la-Canéda |
| Ippervlak | 9060 km² |
| Inweuners | 414.789 (2016) 46 inw./km² |
| Arrondissementn | 4 |
| Kantongs | 25 |
| Gemêentes | 505 |
| {{{foto}}} {{{byschrift}}} | |
De Dordogne (24) es 'n departement in de regio Nouvelle-Aquitaine, o de zuudwestkantn van Vrankryk. 't Is vernoemd achter de riviere de Dordogne. Vroeger wos't de provinsje Périgord. Inweuners van de Dordogne wordn Périgourdins genoemd (achter de vroegere provinsje).
Geschiedenisse
bewerkn't Departement is één van de 83 departementn die ountstoan zyn binst de Fransche Revoluusje, de vierde moarte 1790. Tout 2016 wos't departement ounderdêel van de regio Aquitaine.
In de Dordogne zyn der veel kastêeln en grottn mè prehistorische rotstêkeniengn, lik de grotte van Lascaux, surtout in de Vallée de Vézère en in de streke van Les Eyzies de Tayac.
Van 59 vo Chr. tout 284 achter Chr. kwoamn de Galliërs en de Romeinn under vestign in de streke, en van 486 tout de 10e êeuwe de Meroviengers en Karoliengers.
Van d'elfde tout de vuuftiende êeuwe woarn der oorloogn tusschn Vrankryk en Iengeland en van 1540 tout 1699 verschilligte godsdienstoorloogn.
Geografie
bewerkn't Departement is verdêeld in vier streekn:
- Périgord Blanc: 't wit verwyst noa de groundloagn in kalkstêen.
- Périgord Noir: 't zwart verwyst noa de dounkere êkebusschn en de zwarte truffels die doa vele te viendn zyn.
- Périgord Pourpre: 't purper verwyst noa de druvestreke.
- Périgord Vert: 't groen verwyst noa de groene omgevienge omda 't doa relatief vele regent.
De Dordogne grenst an de departementn Haute-Vienne in't nôord'n, Corrèze en Lot in't ôostn, Lot-et-Garonne in't zuud'n, Gironde in't zuudwestn en Charente-Maritime en Charente in't westn.
't Departement bestoat uut vier arroundissementn (Bergerac, Nontron, Périgueux, Sarlat-la-Canéda), 25 kantongs en 505 gemêentn.
De grotste gemêentn zyn Périgueux, Bergerac, Boulazac Isle Manoire, Sarlat-la-Canéda en Coulounieix-Chamiers. And're gekende plekkn zyn Nontron, Montignac, Beynac-et-Cazenac, La Roque-Gageac, Les Eyzies de Tayac en Domme. De bedevoartplekke Rocamadour ligt nie verre van Sarlat-la-Canéda.
Externe koppeliengn
bewerkn- Site van de prefecteure van de Dordogne
- Ollandschn site mè touristische informoasje oover de Dordogne
|
Ofbeeldiengn die ier by passn ku je vien in de categorie Dordogne van Wikimedia Commons. |