Ferdinand III (Graz, 13 juli 1608 – Weenn, 2 april 1657), van ‘t Huus Habsburg, was keizer van 't Hillig Rôoms Ryk van 1637 tout 1657. Je was ook keunienk van Hongareye en Boheemn, en eirtshertog van Ôostnryk.
Je was de derde zeune van keizer Ferdinand II en Maria Anna van Beiern (1574-1616). Je componeerde muziek.
Je probeerde vrede te sluutn me Vrankryk en Zweedn, mo de Dertigjoarign oorloge blêef nog elf joar deurn en endigde uutendelik in 1648 met de Vrede van Westfalen.
De 20stn februoari 1631 trouwde Ferdinand in Weenn me zyn êeste vrouwe, Maria Anna van Spanje. Ze was zyn nichte want heur moeder en zyn voader woarn broere en zuster. Ze was e dochter van Filips III van Spanje en Margaretha van Ôostnryk.
Met heur krêegt ie zes jounges. J'had ook nog e zeune me zyn twidde vrouwe en vier jounges me zyn derde vrouwe.
Zyn oudste zeune Ferdinand IV was keunienk van Boheemn, Hongareye en Rôoms-Duutsche keunienk, mo je stierf al in 1654 an zyn 20 joar, nog vo dat ie keizer kost zyn. Zyn joungere broere Leopold I volgde Ferdinand III ip als keizer.
.svg)
