Ferdinand II (Graz, 9 juli 1578 - Weenn, 15 februoari 1637), van ‘t Huus Habsburg, was keizer van t Hillig Rôoms Ryk van 1619 tout 1637. Je was ook keunienk van Hongareye en Boheemn, en eirtshertog van Ôostnryk. Je volgde z’n kozyn Matthias ip, die gin jounges haad. Zyn anstellienge als keunienk van Boheemn in 1617 verôorzakte de Dertigjoarign Oorloge (1618–1648).
Ferdinand was e zeune van Karel II van Ôostnryk en Maria Anna van Beiern. Zyn voader Karel II was de joungste zeune van keizer Ferdinand I en Anna van Boheemn.
Ferdinand wierd ipgebrocht deur de Jezuïetn in de gêest van de contrareformoasje en doadeure wast ie fanatiek katholiek. Zyn vôorgangers haan nog compromissn met de protestantsche Boheemschn oadel geslootn, moar ie wilde doa nieks me mee te moakn hen. Je begost olles in 't werk te stelln vo de protestantn uut te roein. De Boheemers, die de keurvorst Frederik V van de Palts van 't Huus Wittelsbach ip de trône wildn, kwoamn in ipstand en Ferdinand verkloardeg under den oorloge.
't Boheems leger wierd versleegn binst de Slag ip de Wittn Berg. Frederik V van de Palts wierd ofgezet in 1620 en je kost vluchtn noar Holland. Je wordt de wienterkeunienk genoemd omdat 'n moar e wienter keunienk was.
Ferdinand makte 't ende van de Dertigjoarign Oorloge nie me mee.
.svg)
