Filips den Stoutn

Filips de Stoutn (Frãns: Philippe le Hardi) (Pontoise, 17 januoari 1342 - Halle, 27 april 1404) was hertog van Bourgondië van 1363 tout an zyn dôod. Je was de stamvoader van de Bourgondischn tak van 't Huus Valois.

Filips de Stoutn
1342-1404
Filips de Stoutn
Hertog van Bourgondië
Periode1363-1404
VôorgangerJean II de Goein
IpvolgerJan zounder Vrees
Groaf van Nevers
Periode1384 (me Margaretha)
VôorgangerLodewyk van Male
IpvolgerJan zounder Vrees
Groaf van Vloandern,
Artois en
Franche-Comté
Periode1384-1404 (me Margaretha)
VôorgangerLodewyk van Male
IpvolgerMargaretha van Male (allêene)
Groaf van Rethel
Periode1384-1402
VôorgangerLodewyk van Male
IpvolgerAnton van Bourgondië
Groaf van Charolais
Periode1390-1404
VôorgangerNieuw
IpvolgerJan zounder Vrees
VoaderJean II de Goein
MoederBonne van Luxemburg

Achter 'n dôod van zyn schonvoader in 1384 kwamt 'n groaf van Vloandern, Nevers, Artois, Rethel en Franche-Comté en van 1390 groaf van Charolais.

Zyn bynoame krêegt ie omdat 'n zo courageus was in de Slag van Poitiers in 1356, binst den Hounderdjoarign Oorloge. Je was ton vêertien joar oud en je vocht mee me zyn voader.

Zyn leevn bewerkn

 
Filips me zyn voader Jean II de Goein in de Slag van Poitiers. (1356)
 
Zyn bezittiengn

Filips was de joungste zeune van de Frãnsche keunienk Jean II de Goein en Bonne van Luxemburg. In 1363 krêegt 'n 't hertogdom Bourgondië me den hoofdstad Dijon. Zyn voader stierf in 1364 en je wierd ipgevolgd deur zyn oudste zeune en broere van Filips, Charles V.

In 1369 trouwde Filips in Gent me Margaretha van Male, dochter van Lodewyk van Male, de groaf van Vloandern. Ip 28 meie 1371 wierd under oudste zeune Jan zounder Vrees in Dijon geboorn.

In 1380 stierf zyn broere Charles V en je wierd ipgevolgd deur zyn zeuntje Charles VI die nog moa twoalf joar oud was. Van 1380 tout 1388 verblêef Filips in Parys en je was doa de leidnde figeure en voogd van zyn minderjoarig neeftje. Van die poziesje miekt 'n in 1382 gebruuk vor e leger in te zettn, vo de Vlamschn ipstand in de Slag by Westrôzebeke teegn zyn schonvoader Lodewyk van Male t'ounderdrukkn. 't Besteur van zyn eign gebied liet 'n over an zyn vrouwe Margaretha van Male.

In 1384 stierf Lodewyk van Male. Je was de latste groaf van Vloandern van 't geslacht Dampierre en Filips erfde zyn gebiedn.

In 1392 kwam Charles VI gêestesziek en Filips pakte were 't regentschap ip hem.

Vrouwe en jounges bewerkn

Deur te trouwn me Margaretha van Male wierd et hertogdom Bourgondië nie allêene verêenigd met de groafschappn Bourgondië en Artesië, moar ook met et ryke groafschap Vloandern.

Under jounges

  • Jan zounder Vrees (1371–1419), zyn ipvolger als hertog van Bourgondië, vermôord in Montereau
  • Karel (1372–1373)
  • Margaretha van Bourgondië (1374-1441), trouwde mè Willem II van Beiern (groaf van Henegouwn-Holland en Zêeland), d'ouders van Jacoba van Beiern
  • Lodewyk (1377–1378)
  • Catharina (1378-1425), getrouwd in 1393 mè Leopold IV van Habsburg.
  • Bonne (1379-1399)
  • Anton (1384-1415)
  • Maria (1386-1422), getrouwd in 1401 mè Amadeus VIII van Savoye
  • Philippe (1389-1415)

Zyn dôod bewerkn

Filips stierf in 1404 in 't Broabantse Halle en zyn zeune Jan zounder Vrees volgdeg hem ip. De rykelyk versierde proalgroavn van Filips de Stoutn en Jan zounder Vrees stoan in de musée des Beaux-Arts in Dijon in 't paleis van d'hertoogn van Bourgondië. Ze zyn gemakt deur de kunstenoars Jean de Marville, Claus Sluter, Claus de Werve en Jean Malouel, den officieeln schilder van den hertog. Ze moakn dêel uut van de schonste kunstwerkn van 't Bourgondisch Ryk.

 
't Proalgraf van Filips de Stoutn in 't paleis van d'hertoogn van Bourgondië in Dijon