Eist

Eist
Geografie
Provinsje	West-Vloandern
Gemêente	Knokke-Heist
Coördinoatn	51°20′NB 3°14′OL
Oogteliggienge	{{{hoogte}}} m
Ippervlakte	7,36 km²
Inweuners – Bevolkiengsdichtheid	12.820 (31/12/2006) 1742 inw./km²
Vintn Vrown	{{{mannen}}}% {{{vrouwen}}}%
Andre info
Postcode	8301
Zonenummer	{{{netn}}}
Kasteêltje

Heist (uutsproake Eist) is een dêelgemêente van Knokke-Heist an de Vlamsche kust en ligt tusschn Zêebrugge en Knokke. 't Bestoat in feite uut drie badplatsn: Heist zelve, Duunbergen en een dêel van 't Albertstrange. Heist teldege 4.750 inweuners vo de fusie van gemêentn in 1965.

Geschiedenisse

D'êeste noame van Heist was Koudekerke (Koudakerka in 1221, van 't Germoansche kalda=koud en kérika=kerke). De nederzettienge Koudekerke ountstound achter den Evendyk, die in 't verlengde van de Blanknbergsche dyk wierd gebouwd achter zwoare overstromiengn. In 1188 wast er al sproake van een kapelle die ofhieng van de parochie Lissewege. D'oudste vermeldienge van Koudekerke als zelfstandige parochie dateert uut 1221. Round dien tyd ountstound een visschersdorp die ofhieng van Koudekerke in de dunen en schorren ten nôordn van den dyk. Êest wierd 't Noorddorp genoemd, ton Heys en loater Heyst.

In de negentienste êeuwe was Heist vele grotter. Zêebrugge was e dêel van Heist, juste lik Duunbergen. Zêebrugge is oungeveer ounderd joar geleen an Brugge gegeevn.

De touristische periode van Heist begost in 1860 en d'r kwam ton een êeste hotel: Hotel du Phare. D'r was een terrasse in out, want de zêedyk bestound nog nie. Dat is de reden woarom dat de beweuners van Heist tout in 't begun van de 20e êeuwe de zêedyk de plancher (planknvloer) noemdegen.

Achter de twidde weireldoorloge veranderde 't uutzicht van Heist. De spôorweg wierd verleid noa 't zuudn en in 1951 kwamt er een nieuwe stoatie en weunwyk.

Tou in de joarn tsjeventig kwam 't zêewoater by ôog ty tou an d'n dyk. Met de werkn in Zêebrugge ist er vele zand ip 't strange van Heist gespootn gewist. Sedertdien ist er deur de werkienge van ôog en lêeg ty nog vele zand bygekommn. 't Woater komt ol lange nie mi tou an den dyk. Heist et e vrêe brêed strange. Ip d'n dyk zyn sedert de joarn tsjeventig bykan al d'oude uuzn (vele Belle Epoque me bel-étage) ofgebrookn en vervangn deur appartementn. An den dyk van Zêebrugge ist er vrêe vele zand by malkoar gewoaid. Zovele zelfs dat er e spontoane dunevormink is gekommn. 't Is sedert kort nateurreservoat.

Beziensweirdigheedn

Kyk noa Bouwkundig erfgoed in Heist

• 
  Oude viertorre
• 
  Oorlogsmonument

Evenementn

• Carnaval wordt in Heist styf gevierd. De zundag vo de vast'n trekt de carnavalstoet deur de stroat'n, de moandag is 't "Sprotjesdag" en wordt er gedanst ip 't bal van de Zeemarminne en ip vast'noavond (diesendag) wordt er nog carnaval gevierd in de stroat'n van Heist en surtout in de cafés.
• 't Kneistival in juli, een rockfestival in open lucht

Ofbeeldiengn die ier by passn ku je vien in de categorie Heist van Wikimedia Commons.