Hoofdmenu openen
Hendrik VI
1165-1197
Kaiser Heinrich VI. im Codex Manesse.jpg
Arms of the Holy Roman Emperor (Hohenstaufen).svg
Keizer van 't HRR
Periode1191-1197
Vôorganger Frederik Barbarossa
IpvolgerOtto van Brunswick
Arms of the Holy Roman Emperor (Hohenstaufen).svg
Rôoms-Duutsche keunienk
Periode1169/1190-1197
Vôorganger Frederik Barbarossa
IpvolgerFilip van Swaabn &
Otto van Brunswick
Corona ferrea.png
Keunienk van Italië
Periode1190-1197
Vôorganger Frederik Barbarossa
IpvolgerFilip van Swaabn &
Otto van Brunswick
Arms of Swabia-Sicily.svg
Keunienk van Sicilië
Periode1194-1197 me Constance
VôorgangerWillem III van Sicilië
IpvolgerConstance
Voader Frederik Barbarossa
MoederBeatrice I van Bourgondië

Hendrik VI (Nymeegn, november 1165 – by Messina (Sicilië), 28 september 1197), van ‘t Huus Hohenstaufn, was de twidde zeune van Frederik Barbarossa en Beatrice I van Bourgondië.

In ’t joar 1169, me Sienksn, benoemde zyn voader hem an zyn vier joar toet Rôoms-Duutsche keunienk binst de Hoftag in Bamberg. En ip 15 ogustus wierd ie gekrôond in de dom van Aakn. In 1191 kwamt ie keizer van ‘t Hillig Rôoms Ryk en in 1194 ook keunienk van Sicilië.

Je trouwde in 1184 me Constance van Sicilië, dochter van keunienk Roger II van Sicilië, van ’t Normandisch Huus Hauteville.

In 1189 vertrok zyn voader ip kruustocht en wast ie zyn vervanger. Achter zyn dôod in 1190 kwamt ie zyn officieeln ipvolger.

Dôod en ipvolgiengeBewerken

Hendrik VI stierf in 1197 an zyn 31 joar en j’is begroavn in de kathedroale van Palermo. Achter zyn dôod brakt er grôote trôonstryd los tusschn de Hohenstaufers en de Welfn. De stryd deurde bykan 20 joar.

Zyn êenigste zeune Frederik-Roger, genoemd achter zyn twi grotvoaders Frederik Barbarossa en Roger II van Sicilië, was ton nog mo drie joar oud.

De Welf-anhangers round den eirtsbisschop Adolf van Keuln koozn de Welf Otto van Brunswick ip 9 juni 1198. Ip 12 juli da joar wierd ie in Aakn gekrôond toet keunienk.

Mo de Hohenstaufer Filip van Swaabn had hem ook loatn verkiezn toet keunienk. Je wierd ip 8 september 1198 gekrôond in Mainz. In 1208 hen z'hem vermôord.

In 1211 was Hendrik zyn zeune oud genoeg en je wierd verkoozn toet teegnkeunienk. ’t Joar derip, ip 9 december 1212, wierd ie gekrôond in Mainz.

Ip 27 juli 1214 is Otto IV van Brunswick versleegn in de Slag by Bouvines deur de Frãnsche keunienk Philippe II Auguste.

’t Joar derip wierd Frederik II algemêen erkend als Rôoms-Duutsche keunienk en ip 25 juli 1215 wierd ie gekrôond in Aakn.

Ip 22 november 1220 wierd in Rome gekrôond toet keizer van ‘t Hillig Rôoms Ryk.

 
Zyn keizerskrôonienge (Liber ad honorem Augusti, Burgerbibliothek Bern)