Filip van Swaabn

Filip van Swaabn (februoari/moarte 1177 - 21 juni 1208), van ‘t Huus Hohenstaufn was de joungste zeune van Frederik Barbarossa en Beatrice I van Bourgondië.

Je was Rôoms-Duutsche keunienk van 1198 toet 1208. Je was ook markgroaf van Toscane (1195-1197) en hertog van Swaabn (1196-1208). Deurdat ie vermôord wierd in 1208 ist ie nôoit gekrôond toet keizer.

Achter ’n dôod van zyn broere Hendrik VI in 1197, wierd er lange tyd gevochtn tusschn ‘t Huus Hohenstaufn en ‘t Huus Welf vo d’ipvolgienge van de Duutsche trôone.

In 1198 woarn der twi keuniengn verkoozn: Filip en de Welf Otto van Brunswick, die de steun van de paus krêeg.

Ip 21 juni 1208 is Filip in Bamberg vermôord deur Otto VIII van Wittelsbach, de paltsgroaf in Beiern, binst den trouw van zyn nichtje gravinne Beatrice II van Bourgondië met hertog Otto van Merania.

Vrouwe en jounges

Filip trouwde in 1197 met Irena, dochter van de Byzantynsche keizer Isaac II Angelos. Z’haan vier dochters:

• Beatrice van Swaabn, getrouwd me keizer Otto van Brunswick
• Kunigonde van Swaabn, getrouwd me keunienk Wenceslaus I van Boheemn
• Maria van Swaabn, getrouwd met Hendrik II van Broabant, zeune van Hendrik I van Broabant
• Elisabeth van Swaabn, getrouwd me keunienk Ferdinand III van Castilië

De môord ip Filip van Swaabn

Ofbeeldiengn die ier by passn ku je vien in de categorie Philip of Swabia van Wikimedia Commons.