Frederik I (HRR)

Frederik I of Frederik Barbarossa (Rôodboard) (Waiblingen, 1122 – Anatolië, 10 juni 1190), van 't Huus Hohenstaufn, was keizer van 't Hillig Rôoms Ryk van 1155 tout an zyn dôod.

Je was e zeune van hertog Frederik II van Swaabn en Judith van Beiern, dochter van hertog Hendrik IX (Hendrik de Zwartn) van Beiern.

Je volgde zyn voader in 1147 ip ols hertog Frederik III van Swaabn.

Achter 'n dôod van zyn nounkel Konrad III wierd ie de vierde moarte 1152 in Frankfurt verkoozn en de neegnste moarte 1152 in Aachen gekrôond tout Rôomsche keunienk. Ip 18 juni 1155 wierd ie deur paus Adrianus IV gekrôond tout keizer. Twi joar loater stound den term "sacrum" (Hillig) vo den êeste ki vermeld in e document over 't Rôoms Ryk. Je kwam ook keunienk van Italië in 1155.

Deur in juni 1156 te trouwn me gravinne Beatrix I, de dochter van groaf Reinout III van Bourgondië, krêegt ie 't groafschap Bourgondië.

Normoal wierdn de keuniengn van Arles nie mè gekrôond in de kathedroale, mo Frederik Barbarossa wierd ip 30 juni 1178 formeel tout keunienk van Arles gekrôond deur den eirtsbisschop van Arles.

Vrouwn en jounges

Me zyn êeste vrouwe Adelheid van Vohburg had ie gin jounges.

Me zyn twidde vrouwe Beatrice I van Bourgondië:

1. Sophie (1161-1187), getrouwd me Willem VI van Monferrato
2. Beatrix (1162-1174), verloofd me keunienk Willem II van Sicilië, mo z'is gestorvn vo dan ze kostn trouwn
3. Frederik V van Swaabn (1164-1170), hertog van Swaabn
4. Hendrik VI (1165-1197), keizer van 't Hillig Rôoms Ryk
5. Konrad (1167-1191), hertog van Swaabn (loater Frederik VI van Swaabn genoemd achter 'n dôod van zyn oudere broere)
6. Gisela (1168-1184)
7. Otto I van Bourgondië (1170-1200), paltsgroaf van Bourgondië
8. Konrad II van Swaabn (1172-1196), hertog van Swaabn
9. Renaud (1173)
10. Willem (1176)
11. Filip van Swaabn (1177-1208), hertog van Swaabn, keunienk van Duutsland van 1198
12. Agnes (1180-1184), verloofd me keunienk Emeric van Hongareye, mo z'is gestorvn vo dan ze kostn trouwn

Ofbeeldiengn die ier by passn ku je vien in de categorie Frederick I, Holy Roman Emperor van Wikimedia Commons.