Hertachtign
| Hertachtign | |||||||||
|---|---|---|---|---|---|---|---|---|---|
 Verschillige hertachtign: edelhert, eland, damhert, ree, rendier | |||||||||
| Taxonomische indêlienge | |||||||||
| |||||||||
| Familie | |||||||||
| Cervidae Goldfuss, 1820 |
Hertachtign (Cervidae) zyn e familie van herkauwnde, eevnhoevige zoogbeestn.
De twèe belangrykste groepn hertn zyn de Cervinae (echte hertn), woaroender de wapiti, 't edelhert, 't damhert en 't axishert; en de Capreolinae (schynhertn), mè 't rendier, de ree, 't muylezelhert en d'n eland.
De ventjes, en by de rendiern ook de wuyvetjes, droagn e gewei die joarlyks ofgesmeetn wordt. E nieuw gewei wordt over 't algemeen grotter en complexer of 't vorige. Der bestoan ook soortn zoender gewei. Hertn verschiln in grotte en gewicht. Z hèn e korthoarige vacht, e lenig lyf mè slanke pootn en nekke, e kort steirtje en grote oorn. By vele hertachtign hèn de joengsjes e gevlekte vacht, die dient vo camouflage.
Hertn leevn surtout in busschn, alhoewel da sommigte soortn ook ip oopn grasvlaktes, in moerasn en ip toendra's te vyndn zyn. Ze komn voorn in Europa, Azië en Noord- en Zuyd-Amerika. 't Edelhert komt ook voorn in Noordwest-Afrika.
Oenderfamilies
bewerkn- Capreolinae (Schynhertn)
- Muntiacinae (Muntjakhertn)
- Hydropotinae (Woaterreeën)
- Cervinae (Echte hertn)