Iengels Kanoal
't Iengels Kanoal of kortweg 't Kanoal (Iengels: The English Channel; Frans: La Manche) is de zêe of zêestroate tusschn Grôot-Brittannië en Vrankryk, die 't zuudelyk dêel van de Nôordzêe verbiendt met den Atlantischn Oceoan. 't Ôostelykste en smalste gedêelte noemt ook 't Nauw van Kales of de Stroate van Dover.
't Kanoal is gemiddeld oengeveer 60 m diepe, met e maximoale diepte van 120 m, en 't wordt intensief gebruukt vo de scheepvoart.
Vlak vo de Fransche kust van Normandië liggn de Kanoaleilandn, e groep eilandn die dêel uutmoakn van 't Brits Krôonbezit (Crown dependencies). 't Zyn semi-oenofhankelyke stoatn. Wight is 't grotste eiland van 't Kanoal. Andere eilandn, vo de Fransche kust, zyn de Chausey-eilandn, Mont Saint-Michel, Tatihou en de Sint-Marcouf-eilandn.
De langste riviern die in 't Kanoal uutmoendn zyn de Seine en de Somme.
|
Ofbeeldiengn die ier by passn ku je vien in de categorie English Channel van Wikimedia Commons. |