Istanbul
Istanbul of Istanboel (Turks: İstanbul) is de grotste stad van Turkeye en 't economisch, cultureel en historisch center. Istanbul ligt in 't west'n van 't land, dêels in Europa (Ôost-Thracië) en dêels in Azië. De Bosporus, die Europa van Azië schèidt, lopt deur Istanbul en komt in 't zuud'n in de Zêe van Marmara uut en in 't nôord'n in de Zwarte Zêe. Drie brugn en twêe tunnèls over en oender de Bosporus verbiend'n Europa met Azië. De stad hèt e goeie 15 miljoen inweuners, wat da nerekomt ip 19% van de bevolkienge van Turkeye.
De stad wierd in 667 v.Chr. gesticht deur Grieksche kolonist'n uut Megara, oender de noame Byzantion (Latyn: Byzantium). In 't joar 330 makte de Romeinsche keizer Constantyn de Grôot'n der zyn keizerlik'n hoofdstad van en je noemde 't êest Nieuw Rome (Latyn: Nova Roma) en der achter Constantinopel (Constantinopolis) noar hemzelve. In 1930 wierd de noame van de stad officieel veranderd in Istanbul, de Turksche weergoave van εἰς τὴν Πόλιν (eis tḕn Pólin): 'noar de stad'.
De stad was d'n hoofdstad van 't Byzantyns Ryk en van 't Ottomoans Ryk. Ze groeide in omvang en invloed en kwam êen van de belangrykste steed'n in de geschiedenisse.
Beziensweirdigheed'n
bewerkn't Historisch center van Istanbul stoat ip de lyste van UNESCO Weirelderfgoed.
-
De blauwe moskee -
Galatatorre -
Chorakerke -
Soleimanmoskee -
Bosporusbrugge
|
Ofbeeldiengn die ier by passn ku je vien in de categorie Istanbul van Wikimedia Commons. |