James Watt
James Watt (Greenock (Schotland), 19 januoari 1736 – Heathfield Hall by Birmingham, 25 ogustus 1819) was e Schotschn ingenieur die anzien wordt lik den uutviender van de moderne stoommachine. Je verbeterde de stoommachine van Newcomen, die in 1712 uutgevoendn was deur Thomas Newcomen, vo woater ip te pompn uut de mynn.
Binst dat 'n werkte ols instrumentmoaker an den universiteit van Glasgow, gerakte Watt g'interesseerd in de technologie van stoommachienn. Je zag in dat er by de nieuwe moteurs vele energie verloorn gieng deur de cylinder constant of te koeln en te verhittn. Watt introduceerde den aparte condensateur, die 't verlies an energie teegn gieng en de kracht en efficiensje van de stoommachienn styf verbeterde. Uutendelik èt 'n zyn moteur angepast vo roteernde bewegienge te produceern, woadeure da 't gebruuk uutgebreid kost wordn, nie allêene vor ippompn van woater.
Watt probeerde zyn uutviendienge te commercialiseern, moa j' a grôote financiële probleemn, toet dat 'n in 1775 e partnership begost mè Matthew Boulton. 't Nieuw bedryf Boulton en Watt krêeg uutendelik vele succes.
Watt introduceerde de peirdekracht ols êenheid van potensje. De Watt (symbool W), de SI-êenheid van vermeugn, is noar hem vernoemd.