Schotland

Scotland, Alba Schotland
Liggienge in 't Verênigd Keunienkryk en Europa
Officiële toale	Iengels, Schots, Schots-Gaelisch
Hoofdstad	Edinburgh
Stoatsvorm	Constitutionele monarchie
Stoatshoofd	Keuniginne: Charles III
Êerste minister	Humza Yousaf (SNP)
Ippervlak	78.772 km²
Inweuners Bevolkiengsdichtheid	5.313.600 (2011) 65 inw./km²
Munte	Pound sterling
Tydzone	UTC 0 (zomertyd: UTC+1)
Landcode	GB, GBR
Telefongcode	(+44)
Internet-TLD	.uk
Nationale fêestdag	30 november (St. Andrew's Day)

Schotland (Iengels en Schots: Scotland, Schots-Gaelisch: Alba) is e vroeger keunienkryk. T'ope mi Iengeland, Nôord-Ierland en Wales is 't de stoat Verênigd Keunienkryk. Schotland e wel een eigen vlagge, eigen geldbrieftjes, en een eigen besteur - moar op internationaal vlak speelt ollêne 't Verênigd Keunienkryk e rolle. In Schotland weun d'r mêer of 5,1 miljoen menschen.

Schotland omvat 't nôordelik derde van 't eiland Grôot-Brittannië en 't grenst in 't zuudn an Iengeland. In 't ôostn ligt de Nôordzêe, in 't nôordn en 't westn den Atlantischn Oceoan en in 't zuudwestn 't Nôordkanoal en d' Iersche Zêe. Neffest 't vasteland bestoat Schotland uut mêer of 790 eilandn, die in vier hoofdgroepn wordn ounderverdêeld: de Shetlandeilandn, de Orkney-eilandn, de Binn-en de Buutn-Hebriedn.

Edingburgh is 'n hoofdstad en twidde grotste stad van Schotland achter Glasgow.

Koarte van Schotland

Toale

Bykan ol de Schottn klappn Iengels. Toch klappn d'r ouk vele menschen e vorme van 't Lêegland-Schots, wuk dat eigentlik e verzoamelienge dialectn is. 't Is e Germoansche toale die familie is van 't Iengels, moa d'r toch styf van verschilt in wôordnschat en uutsproake. En om en by de 60.000 menschen, surtout dedie van de westelike eilann, klappn Schots Gaelic.

Grôte steedn

De tien grotste steedn in Schotland zyn:

Stad		inweuners 2006/2007
Iengelsche noame	Schots-Gaelische noame
Glasgow	Glaschu	580.690
Edinburgh	Dùn Èideann	463.510
Aberdeen	Obar Dhèathain	183.467
Dundee	Dùn Dè, Dùn Dèagh	175.000
Paisley	Paislig	74.048
East Kilbride	Cille Bhrìghde an Ear	81.000
Livingston	Baile Lèibhinn	63.100
Inverness	Inbhir Nis	46.110
Hamilton	Hamaltan	49.267
Cumbernauld	Comainn nan Allt	49.541

Typisch Schots

Schotland is bekend vo zyn whisky, 't monster van Loch Ness, haggis (de moage van e schoap, evuld mi vlêes), ze clans (families met e lange tradisje), Highland games, en klêderdracht (ventn droagn d'r soms e rok da ze kilt noemn) en doedelzakn.

• 
  Loch Ness en Urquhart Castle
• 
  Eilean Donan Castle
• 
  Parade in Aberlour
• 
  E poar sôortn whisky va Schotland

Bekende Schottn

• Tony Blair: polletieker
• Gordon Brown: polletieker
• Robert Burns: dichter
• Jim Clark: Formule 1-coureur
• Sean Connery: acteur
• David Coulthard: Formule 1-piloot
• Mark Knopfler: zanger van de Dire Straits
• David Livingstone: ontdekkiengsreiziger
• Gordon Ramsay: topkok
• Adam Smith: econoom en 'uutvinder' van de moderne economie
• Jackie Stewart: Formule 1-coureur
• Rod Stewart: rockzanger
• James Watt: uutviender van de moderne stoommachine

Ofbeeldiengn die ier by passn ku je vien in de categorie Scotland van Wikimedia Commons.

Externe koppelienge

• Visit Scotland 'n Dienst van toerisme van Schotland.