Cleremeersch

Cleremeersch Clairmarais

Cleremeersch en omliggnde plekkn
Geografie
Regio	Hauts-de-France
Departement	Nauw van Kales
Arroundissement	Sint-Omoars
Kanton	Sint-Omoars
Coördinoatn	50°46′NB 2°18′OL
Ippervlak	18,02 km²
Inweuners
Inweuners Bevolkiengsdichtheid	637 (2015) 35 inw./km²
Andere
Burgemêester	Damien Morel
Postcode	62500
Webadres	Site van Cleremeersch

Cleremeersch (Frans-Vlams: Klommeres ofte Claeremeersch, Frans: Clairmarais, Nederlands: Klaarmares) es e gemêente in Vrankryk in't departement Nauw van Kales. 't Ligt teegn 't Noorderdepartement, ip de schreeve van Frans-Vloandern en Artesië, dichtby 't Audomarois-moerasgebied in't strôomgebied van den Aa. 't Grenst an de gemêentn Nieuwerleet, Nôordpene, Zuudpene, Boavinkove, Ruuscheure, Arkn en Sint-Omoars. 't Center ligt in't westn van de gemêente, in't ôostn liggn de gehuchtjes Schoubroek (Haut Schoubrouck en Bas Schoubrouck) en Cloquette.

Beziensweirdigeedn

De ruïn'n van de cisterciënzer-abdeye van Cleremeersch, gesticht in 1140 deur groaf Diederik van den Elzas en ofgebrookn mè de Fransche Revoluusje, es erkend lyk historisch monument sedert 1946. Ôok de bewoarde bygebouwn, d'hoeve en duvvetorre zyn erkend lyk monument.
De cisterciënzer abdyhoeve van Cloquette
De Sent-Bernardkerke
De Lourdesgrotte uut 1937.
't Nateurreservoat Romeloare (Romelaëre in't Frans-Vlams), e gebied me vele beekskes, plassn en woater ip de schreve me Sint-Omoars, ountstoan uut e vroeger moeras- en vêengebied.
Ip de schreeve mè Arkn ligt e gedêelte van't bus van Rihoult-Clairmarais van 1200 hectoarn grôot.

Ofbeeldiengn die ier by passn ku je vien in de categorie Clairmarais van Wikimedia Commons.