Klêen-Sintn

Klêen-Sintn (Frans: Petite-Synthe, Nederlands: Klein-Sinten) es nen wyk in de Franschn stee Duunkerke. De wyk ligt ande zuudwestkant van Duunkerke-Centrum, tusschn de Duunkerksche dêelgemêente Sint-Pols en de gemêentn Nieuw-Koukerke, Kapelle en Grôot-Sintn. Klêen-Sintn it en ippervlakte van 11,45 vierkante kilomèiters en telt apeupri 16700 inweuners. Langsn de zuudkant van de wyk lôopt de Broekburgvoart.

De wyk Klêen-Sintn (in't gêel) ip e koarte van Duunkerke

De gemêente "Petite-Synthe" wierd gesticht achter de Fransche Revoluusje. In 1877 wierd e gedêelte van't groundgebied vande gemêente afgenoomn vo de nieuwe gemêente Sint-Pols te komm'n. Klêen-Sintn bleef zelfstandig tout 1972, toenda't tegoare me Rozendoale by't stad Duunkerke wierd gevoegd. In de joarn 1980 wierd achter e volksroadpleegienge de wyk Albeck noa Grôot-Sintn oovrgedroagn.

• 
  't Woapn van Klêen-Sintn
• 
  De vlagge van Klêen-Sintn
• 
  De Sent-Antôon van Padua-kerke
• 
  De Quartier de la Concorde