Kapelle (Vrankryk)

Kapelle Cappelle-la-Grande
Kapelle in't arroundissement Duunkerke
Geografie
Regio	Hauts-de-France
Departement	Noorderdepartement
Arroundissement	Duunkerke
Kanton	Nieuw-Koudekerke
Coördinoatn	50°59′NB 2°21′OL
Ippervlak	5.46 km²
Inweuners
Inweuners Bevolkiengsdichtheid	8173 (2009) 1497 inw./km²
Andere
Burgemêester	Roger Gouvart
Postcode	59180
Webadres	Officiëln site

Kapelle (Frans: Cappelle-la-Grande) es e gemêente in Vrankryk in't Noorderdepartement. 't Ligt in Frans-Vloandern in't Blootland, binn'n de steedelyke agglomeroasje van Duunkerke. 't Grenst an de gemêentn Nieuw-Koukerke, Koukerke, Bieren, Armboutskapelle en Duunkerke.

Tout an de neegnde êeuw lag 't groundgebied van d'uudige gemêente bikkans hillegansn ounder woater. 'Tnes mo vanaf den tiendn êeuwe dat de Nôordzêe em begoest trug te trekkn en da dankzy inpolderienge der mienschn begoestn te weun'n in't gebied. Byst de middelêeuwn en den Nieuwn tyd wos Kapelle mo en klêen boeregehuchtje da êerst in't Groafschap Vloandern lag en derachter in Fransche andn kwam. Byst d'Industriële revoluusje begoest 't inweunersantal te stygn mo nwos mo vanof de joarn 1960, deur de grôote economische ountwikkelienge van Duunkerke van zyn hoavns, da 't dorp serieus uutgroeide tout e redelyk anzienlyk veurstadje van Duunkerke. In zyn recente geschiedenisse tracht de gemêente em ôok ip culturêel vlak te profileern me de bouw van't Palais des Arts in 1980 en van't Palais de l'univers et des sciences in 2009.

De gemêente et byst zyn geschiedenisse verschillige noamn g'ed: Azemboustcapel in 1793, Arembout-Cappel Cappelle in 1801 en sinsn 1921 noemt de gemêente officiël in't Frans Cappelle-la-Grande.

't Staduus van Kapelle

't Palais de l'univers et des sciences

Ofbeeldiengn die ier by passn ku je vien in de categorie Cappelle-la-Grande van Wikimedia Commons.