Konrad III (HRR)

Konrad III (1093 - Bamberg, 15 februoari 1152), was den êeste Duutsche keunienk van 't Huus Hohenstaufn. J'is nôoit gekrôond gewist tout keizer.

Konrad was e zeune van hertog Frederik I van Swaabn en Agnes van Waiblingen, e dochter van Hendrik IV. Zyn oudere broere Frederik II van Swaabn was de voader van Frederik I Barbarossa, die Konrad loater ipvolgde.

Achter da Lotharius van Supplinburg in 1125 ounverwacht wierd verkoozn tout Rôomsche keunienk, kwam Konrad in ipstand en je liet hem in 1127 tout teegnkeunienk verkiezn. Je volgde Lotharius ip in 1138 achter zyn dôod.

In 1147 dêed ie mee met de Frãnsche keunienk Louis VII an de Twidde Kruustocht no 't Hillig Land. Je benoemde zyn oudste zeune Hendrik Berengar tout co-keunienk vo dat ie vertrok. Mo Hendrik Berengar kost hem loater nie ipvolgn want je stierf nog vo zyn voader.

Frederik Barbarossa, die meegegoan was me zyn nounkel ip kruustocht, wierd verkoozn in Keuln tout keunienk. Konrad zyn joungste zeune Frederik, die nog klêene was, krêeg 't hertogdom Swaabn.

Vrouwn en jounges

1. Gertrude van Komburg
2. Gertrude van Sulzbach. Under jounges:

• Agnes
• Bertha
• Gertrude
• Hendrik Berengar (1137-1150), co-keunienk, mo je stierf nog vo zyn voader
• Frederik IV, hertog van Swaabn.

Mêer ofbeeldiengn die ier by passn ku je vien ip Konrad III ip Wikimedia Commons.