Lotharius II (of III) van 't Huus Supplinburg (Unterlüß, juni 1075 – 4 december 1137) by Breitenwang, Tirol), ook Lotharius van Supplinburg genoemd, was de twidde keizer me de noame Lotharius. Je wordt deur sommigte Lotharius III genummerd achter Lotharius II van Lotharingen, da loater e stik van Duutsland kwam.
Lotharius was hertog van Saksn van 1106, keunienk van Duutsland, Arles en Italië van 1125 en keizer van 't Hillig Rôoms Ryk van 1133 tout an zyn dôod.
Zyn ouders woarn de Saksische groaf Gebhard van Supplinburg en Hedwig van Formbach.
Lotharius is kort achter 'n dôod van zyn voader geboorn. Zyn voader vocht mee me de Saksischn ipstand teegn 't Salisch Huus en je stierf in de Slag van Langensalza teegn de troepn van keizer Hendrik IV.
Lotharius trouwde in 1100 me Richenza van Northeim. Z'haan e dochter Gertrude.
