Kristien Bonneure
Kristien Bonneure wer geboorn ip 31 meie 1966 in Brugge. 't Is e bekende zoernaliste.
Ze studèrde Pol en Soc an den univ van Gent mo ze was ôok ol stief joenk bezig me dixie. De combinôotie van de twèè zorgde der vôren da ze ols zoernaliste kost beginnen by Studio Brussel, wo da ze van 1988 toet 1991 in de redactie zaat. In 1991 stapte z'over no Radio 1 (wo da ze in 1986 nog aa meegewerkt an 't joengerenprogramma Imago).
Ur grotste specialisoatie is Ôost-Europa en de Balkan in 't byzoender. In 2004 kreegt ze de 'Gouden Stemvork': een prys die ûtgerykt wordt deur de 'Europese Studiegroep voor de Stem'. Je kud ur reg'lmoatig oaren vo 't nieuws te lezen en in 't programma Lopende Zaken in de weke over de noene.
Ze weunt nie mer in Brugge, mo z'is verûsd no Vilvôorde, by Brussel.