Krotte

Krotte
Taxonomische indêlienge
Ryk: Plantae (Plantn) Ounderryk: Embryophyta (Landplantn) Stamme: Magnoliophyta (Blommeplantn) Klasse: Spermatopsida (Zoadplantn) Orde: Asterales Familie: Asteraceae of compositae (Asterachtign of composietn) Geslacht: Cichorium (Chicoreie)
Sôorte
Cichorium intybus var. sativum Gottlieb Wilhelm Bischoff, 1851

Krotte (N WVL), frut (Roeseloare) of prut (Westhoek) (Cichorium intybus var. sativum) is de gebrande wortel van chicoreie woa dat er overtyd e drankske gelik kaffie mee werd gemakt, en dat er soms by gedoan wordt ôok. Surtout in de 19sten eeuw en beist den oorlog werd da gebruukt voer e drankske mee te moaken zounder caffeïne da e bitje de kaffie vervangdige.

Vroeger wierdn de wortels van de plante gebrand in den ast, e droogoven vo chicoreie.

Chicongs

Krotte komt van dezelste plante gelik chicongs. Toet 1830 woarn allêne moa de wortels gebruukt. Chicongs zyn per toeval ontdekt. Binst de Belgische Revoluusje teegn d'Hollanders in 1830 zou boer Jan Lammers uut Schoarbeek weggevlucht zyn en zyn chicoreiwortels weggestookn hèn ounder e loage zand in zyn dounkere kelder. E poar weekn loater, os alles were rustig was in Brussel, kêerde-t-ie were en je zag dat er uut zyn wortels witte bladjes gekommn woarn. Je kwam ip 't gedacht van ze te verkoopn vo wientergroensel. De chicong was geboorn.