Lucas Achtschellinck
Lucas Achtschellinck (alternatieve spellienge van zyn familienoame: Achtschellincks, Achtschellinckx, Achtschellincx, Aghtschellinx) (Brussel, gedopt 16 januoari 1626 - Brussel, begroavn 12 meie 1699) was e Brabantsche landschapschilder.
Leevn
bewerknAchterschellinck is de 26stn oktober 1639 ingeschreevn in de Brusselsche schildersgilde ols lêerlienk van Peter van der Borcht. Veroendersteld wordt dat 'n tusschn 1639 en 1657 vele voyageerde omdat 'n moa gildemêester kwam in 1657.
Werk
bewerknAchtschellinck is sterk g'influenceerd gewist deur Jacques d'Arthois, e lêerlienk uut de Rubensschole. Je schilderde surtout grôote buslandschappn vo kerkn en klôosters. Die landschappn wierdn deur andere ofgewerkt mè figeurn en gebeurtenissn uut de Bybel. Je schilderde ook landschappn in de schilderien van Gaspar de Crayer. Je vormde tegoare mè Lodewyk de Vadder en Jacques d'Arthois de zogenoamde Zoniënwoudschilders, e belangryke groep van Brusselsche landschapschilders van da moment.
Werkn van Achtschellinck zyn te bezichtign in de kathedroale van Sint-Michiel en Sint-Goedele in Brussel, in 't Groeningemuseum in Brugge en in musea in Dresden en Berlyn.
|
Ofbeeldiengn die ier by passn ku je vien in de categorie Lucas Achtschellinck van Wikimedia Commons. |