Ostensche Compagnie
- Dit artikel es geschreevn in 't Ostends, en da zou best ozô bluuvn.
| Ostensche Compagnie | |
|---|---|
| 19 december 1722 | Iprichtienge |
| 1 september 1723 | Begun inteekn op d'andeeln |
| 6 oktober 1723 | Eerste zittienge van 't directiecommitee |
| 10 februoari 1724 | D'eerste vier scheepn vertrekkn vanuut Ostende, 2 no China, 1 no Bengoaln en 1 no Mokka |
| 31 meie 1727 | Octrooi voorlopig geschorst |
| 16 moarte 1731 | Octrooi definitief geschorst op 't verdrag van Weenn]] |
| Iprichtiengskapitoal | 6.000.000 gulden |
| Maotschappelikke zetel | Antwerpn |
| Bestemmiengn | Bengoaln, China, Mokka |
Den Ostensche Compagnie is ip 19 december 1722 ipgericht oender de name Generale Keizerlijke en Koninklijke Indische Compagnie. Den oofdzetel was in Antwerpn en den uutboatiengszetel in Ostende.
Uprichtienge
bewerknIp da moment was Vloandern 'n oenderdeel van de Oostenrykse Nederlandn en wier et vanuut Oostenryk bestierd deur den Absburgsen keizer Karel VI. De Compagnie kreeg et monopolie vo de voart ip Afrika en Oost- en West-Indië. Deur de iprichtienge van de Ostensche Compagnie wildn de Vloamingen e stiksje meepakken van de ipbriengstn van de styf florissante Oost-Indiëcommersje. En da da lukte bewyst da der ip e bepaald ogenblik 58% van de thee die in West-Europa wierd ingevoerd in Ostende verkocht wierd. Ip wa daan ze uut China invoerden, makten ze deur de band meer of 150% winste. De Compagnie stichtte zelfs twi kolonies: Cabelon, by Madras, en Banquibazar, ip den oever van de Ganges.
Te grote concurrensje
bewerkn
D’Ollanders, die styf vele succes addn met under VOC, wilden koste wa kost de Ostensche Compagnie saboteern. Een Ollander die ols matroos ip èèn van de schepen van de Compagnie voarde, wierd ter dood veroordeeld mo omda der toch nog te vele under kanse waagden, wierd de straffe veroogd me vodien nog een antal zweepslaagn in ’t openboar. D’Ollanders en ook verschillige factorieën van de Compagnie angevollen.
De Compagnie most der mee stopn oender druk van d'Ollanders, de Iengelsche en de Fransche die me ’t Verdrag va Weenn ip 16 moarte 1731 Maria Theresia ols keizerinne erkenden (Karel VI aa gin zeuns) mor eisten da de Ostensche Compagnie geliquideerd werd. In de praktyk en eur activiteitn toet in 1777 bluuvn deuregoan.
Upvolger
bewerknEen van de grote andeelouders was de bankier Charles de Proli. Ze zeune Pierre begost in 1781 met den ipvolger: de Azioatische compagnie. Dankzy de sloavnandel marcheerde da styf goed, mo voe polletieke redens en 't failissement van de Proli was da rap were upgekuust in 1785. Ostende is dus nog een endje e bloeind centrum gewist voe sloavenandel.
Bronnn
bewerkn- K.Degryse, in Spiegel Historiaal, 1973, p112
- J.Undwehr, VOC, page 14-46
- N.Laude, La Compagnie d'Ostende et son activité commerciale au Bengale, 1725-1730
- E.Stols, A companhia de Ostende e os Portos Brazileiris. In: Estudos Hist.S
- P.Vandewalle, Oostende ten tijde van de Oostendse Compagnie, in: Oostende kruispunt van Europa, een koningklijke stad.
- J. Parmentier, Oostende en Co
- J. Parmentier, De holle compagnie, smokkel en legale handel onder Zuid-Nederlandse vlag in Bengalen, ca. 1720-1744
- D. Wybaillie, Het aandeelhoudersschap van de Oostendse Compagnie (onuitgegeven licentiaatsverhandeling VUB 2004)