Paddnoverzet

Dat artikel es geschreevn in 't Ypers.

In vele gemêentn richtn de milieudienst of milieuverênigiengn paddnoverzetacties in. Buutn paddn zyn der in West-Vloandern nog êentige aar sôortn overezet.

Werkwyze

Bykan overol steekn ze woa dan der vele paddn oversteekn, fynn droad of plastiek en endetje in de ground van enstens an de boane. Ieder zovele meters zit er e seultje in de ground. De paddn loopn toene mei met 'n droad en volln te lange leste in da seultje. Vrywilligers passeern toune zevve met e seule en hoaln de paddn uut en zettn z'an 'n aarn kant van de boane.

In ieder seule zit er e stoksje voun aar bêestn de keure te geevn om deruut te kruupn (fernient, muuzn,...). Paddn kunn nie oel da stoksje no boovn kruupn.

In bepoalde gemêentn doen ze 't aars. A 'n Sulferberg in Westouter en ze paddetunils installeerd. A 'n bôord van de boane zyn der betongn groevn, die de paddn dwiengn van no de tunils te kruupn. Die tunils loopn toune dweis over de boane (eevn hoge) en vanboovn zittn der goatn, aars wulln ze der nie deure goan.

Nôod

An e drukke boane zyn der 30 toet 40 percent van de paddn die overtrekkn, overreen. Dat is dus e rampe en 't is dus mêer of nôdig van etwot te doen.

Sôortn

Buutn geweune paddn, zyn der oek nog aar sôortn die overezet zyn.

Padde: de geweune padde
Brune puut
Groene puut: eigentlik 3 sôortn (poel-, meer- en bastoardpuut)
Alpnwoatersalamander
Klêen woatersalamander
Kamsalamander: grotstn salamander van België, toet 18 cm.
Vinpôotsalamander: ollêne in Heuvelland, Poperienge, Lo-Renieng en Houthulst

Aantalln

Hierounder viend je de aantalln overezette amfibieën per joar (goat were toet 2006), voogns Hyla, de amfibieënwerkgroep va Natuurpunt.

2011

Brugge: 357 paddn, 41 puudn, 207 salamanders
Damme: 98 paddn, 8 puudn
Jabbeke: 1657 paddn, 1 puut, 4 salamanders
Middelkerke: 1158 paddn, 21 puudn, 14 salamanders
Ostende: 239 paddn, 29 puudn, 5 salamanders
Poperienge: 3397 paddn, 7 puudn, 81 salamanders
Ruuslee: 817 paddn, 41 puudn, 32 salamanders
Tielt: 1794 paddn, 5 puudn, 58 salamanders
Vletern: 2764 paddn, 3 puudn, 7 salamanders
Wervik: 1072 paddn, 22 puudn, 51 salamanders
Wevelgem: 1957 paddn, 137 puudn, 61 salamanders
Yzegem: 740 paddn, 17 puudn, 14 salamanders

2010

Brugge: 712 paddn, 336 puudn, 363 salamanders
Iengelmunster: 75 paddn
Jabbeke: 283 paddn, 273 puudn, 58 salamanders
Mêende: 180 paddn
Middelkerke: 210 paddn, 1 puut, 2 salamanders
Ostende: 210 paddn, 8 puudn, 3 salamanders
Poperienge: 1429 paddn, 12 puudn, 117 salamanders
Vletern: 2570 paddn, 30 puudn
Wervik: 1408 paddn, 22 puudn, 112 salamanders
Wevelgem: 1036 paddn, 93 puudn, 32 salamanders
Yper: 10510 paddn, 132 puudn, 603 salamanders
Yzegem: 1659 paddn
Zillegem: 595 paddn, 15 puudn, 4 salamanders

Totoal: 20920 paddn, 903 puutn, 1366 salamanders

2009

Blanknberge: 513 paddn, 15 puutn
Brugge: 471 paddn, 632 puutn, 474 salamanders
Jabbeke: 92 paddn, 61 puutn, 30 salamanders
Knokke-Heist: 972 paddn, 1056 puutn, 13 salamanders
Oudeburg: 751 paddn, 15 puutn
Poperienge: 343 paddn, 3 puutn, 7 salamanders
Roeseloare: 1039 paddn, 6 puudn, 149 salamanders
Wervik: 1431 paddn, 111 puutn, 168 salamanders
Wevelgem: 446 paddn, 3 puudn, 28 salamanders
Yper: 6139 paddn, 90 puutn, 741 salamanders
Yzegem: 450 paddn, 29 puudn

Totoal: 13764 paddn, 1922 puutn, 1721 salamanders

2008

Blanknberge: 797 paddn, 37 puutn
Brugge: 390 paddn, 58 puutn, 182 salamanders
Heuvelland: 311 paddn, 18 puutn
Jabbeke: 92 paddn, 206 puutn, 28 salamanders
Knokke-Heist: 535 paddn, 286 puutn
Ostende: 151 paddn
Oudenburg: 818 paddn, 1 puut
Poperienge: 1525 paddn, 42 puutn, 222 salamanders
Roeseloare: 1264 paddn, 4 puudn, 60 salamanders
Vletern: 561 paddn, 14 salamanders
Wervik: 2995 paddn, 57 puutn, 108 salamanders
Yper: 7205 paddn, 187 puutn, 1037 salamanders
Yzegem: 716 paddn, 67 salamanders

Totoal: 17360 paddn, 896 puutn, 1805 salamanders

2007

Blanknberge: 884 paddn, 27 puutn
Brugge: 1170 paddn, 403 puutn, 46 salamanders
Heuvelland: 253 paddn, 6 puutn, 2 salamanders
Iengelmunster: 292 paddn, 5 puutn, 16 salamanders
Jabbeke: 106 paddn, 37 puutn, 13 salamanders
Knokke-Heist: 195 paddn, 78 puutn
Oedeburg: 571 paddn, 10 puutn
Poperienge: 1775 paddn, 20 puutn, 107 salamanders
Stoan: 592 paddn, 17 puutn, 209 salamanders
Toeroet: 35 paddn, 52 puutn, 1 salamander
Vletern: 682 paddn, 18 salamanders
Wervik: 1258 paddn, 22 puutn, 71 salamanders
Yper: 6964 paddn, 80 puutn, 372 salamanders
Yzegem: 742 paddn, 86 salamanders

Totoal: 16119 paddn, 757 puutn, 1105 salamanders

2006

Blanknberge: 1945 paddn, 34 puutn, 5 salamanders
Brugge: 4272 paddn, 371 puutn, 422 salamanders
Heuvelland: 279 paddn, 4 puutn
Iengelmunster: 608 paddn, 19 puutn, 17 salamanders
Jabbeke: 254 paddn, 261 puutn, 47 salamanders
Knokke-Heist: 3569 paddn, 1077 puutn
Poperienge: 1058 paddn, 9 puutn, 17 salamanders
Stoan: 230 paddn, 1 puut, 1 salamander
Vletern: 3001 paddn, 3 puutn, 13 salamanders
Wervik: 2951 paddn, 52 puutn, 53 salamanders
Yper: 13215 paddn, 341 puutn, 1046 salamanders
Yzegem: 742 paddn

Totoal: 32565 paddn, 2224 puutn, 1709 salamanders