Salzkammergut
Salzkammergut is e gebied in Ôostnryk ten ôostn van Salzburg die uutstrekt langst de Nôordelyke Kalkalpn, e groep bergkeetns in d' ôostelyke Alpn, toet de toppn van 't Dachsteinmassief. De belangrykste riviere van de streke is de Traun, e zyriviere van de Donau.
Dêeln van de streke zyn in 1997 ip de lyste van UNESCO Weirelderfgoed gezet: Cultuurlandschap Hallstatt-Dachstein/Salzkammergut.
De toeristische streke Salzkammergut omvat 58 gemêentn in drie Ôostnryksche dêelstoatn. Driekart valt oender de dêelstoat Ipper-Ôostnryk (districtn Gmunden en Vöcklabruck), neffest kleindere dêeln van Steyermark en Salzburg.
De noame Salzkammergut verwyst noa de beroemde zoutmynn van de streke, die al g'exploiteerd wierdn deur de Keltn. Den dag van vandoage is de toeristische industrie belangryker of de zoutwinnienge, moa 't gebeurt wel nog assan.
Volgns Salzkammergut Tourismus-Marketing GmbH wordt Salzkammergut ingedêeld in tien dêelgebiedn:
- Ausseerland: Bad Aussee, Steyermark
- Wolfgangsee, Salzburg
- Fuschlsee, Salzburg
- Dachstein Salzkammergut: Hallstätter See, Bad Goisern, Hallstatt, Obertraun en Gosau, Ipper-Ôostnryk
- Traunsee, Ipper-Ôostnryk
- Attersee, Ipper-Ôostnryk
- MondseeLand - Mondsee/Irrsee, Ipper-Ôostnryk
- Bad Ischl, Ipper-Ôostnryk
- Attergau, Ipper-Ôostnryk
- Almtal, Ipper-Ôostnryk
-
Wolfgangsee -
Sankt Wolfgang im Salzkammergut -
-
Traunkirchen, Traunsee
.jpg)
|
Ofbeeldiengn die ier by passn ku je vien in de categorie Salzkammergut van Wikimedia Commons. |