Karel van Provence

Karel van Provence (of Karel de Joungn), (845 - 24 januoari 863) was de joungste zeune van keizer Lotharius I en Irmingard van Tours. Je was keunink van de Provence van 855 tout an zyn vroegn dôod in 863.

Zyn voader Lotarius I verdêelde zyn Middnryk in 855, nie lange vo zyn dôod, by 't Verdrag van Prüm:

• Lodewyk II, den oudstn, krêeg Nôord-Italië met de keizerskrône
• Lotharius II krêeg et nôordelik dêel van ’t middnstik, da regnum Hlotharii genoemd wierd.
• Karel krêeg et zudelik dêel van ’t middnstik: ‘t ôostelik stik van Bourgondië en de Provence.

Achter ‘t Verdrag van Verdun in 843 was ’t westelik stik van Bourgondië by West-Francië gekommn en ’t ôostelik stik by ‘t Middnryk. Karels ryk bestound uut dat ôostelik stik van Bourgondië en de Provence met Arles.

Karel was nog mo tien joar oud os zyn voader stierf. Groaf Gerard de Roussillon was zyn regent en Karel et eigentlik nôoit zelve geregeerd.

In 860 probeerde zyn nounkel, Karel den Kletsn, zyn gebiedn te verovern, mo dat is nie gelukt.

Karel van Provence stierf in 863 zounder jounges. Zyn bezittiengn wierdn verdêeld ounder zyn twi broers Lodewyk II en Lotharius II. Lodewyk krêeg Arles, Aix en Embrun en Lotharius ‘t bisdom van Lyon, Vienne en Grenoble.

Karels keuninkryk in 't roze achter de verdêlienge by 't Verdrag van Prüm

Bourgondië tusschn 534 en 843, me de grenze in 't oranje tusschn 't westelik stik by West-Francië en 't ôostelik stik by Middn-Francië, achter 't Verdrag van Verdun