Middn-Francië
Middn-Francië of ‘t Middnryk was ’t keunienkryk van keizer Lotharius I, achter dat ’t Frankisch Ryk in drieën verdêeld was by ‘t Verdrag van Verdun in 843.
’t Ryk wierd verdêeld ounder de drie zeuns van Lodewyk de Vroomn.
- Den oudstn, keizer Lotharius I, krêeg Middn-Francië met Aakn (den hoofdstad van de Karoliengers) en Rome (de spiritueeln hoofdstad van ’t Christndom). J’hield zyn titel van keizer, mo zounder ’t gezag over zyn broers.
- Lodewyk den Duuts krêeg Oost-Francië
- Karel de Kletsn krêeg West-Francië
‘t Middnryk strekte van Friesland tout an de Provence mè nog e stik van Italië derby. Nu:
- de Nederlandn mè Luxemburg en België (zounder ‘t groafschap Vloandern), mè de Schelde ols grenze,
- De Duutsche gebiedn ten westn van de Reyn, met Aakn
- Elzas
- 't Ôostelik stik van Bourgondië.
- Franche-Comté
- Rhône-Alpes
- Provence
- ‘t westelik stik van Zwitserland
- Nôord-Italië
Lotharius I verdêelde zyn Middnryk in 855, nie lange vo zyn dôod, by 't Verdrag van Prüm.
- Lodewyk II, den oudstn, krêeg Nôord-Italië mè de keizerskrône.
- Lotharius II krêeg ’t mêest nôordelik stik van ’t ryk. Zyn keunienkryk strekte van de Nôordzêe tout an ’t Juragebergte en wierd regnum Hlotharii (ryk van Lotharius) genoemd. Loater in de 10e êeuwe wierd ’t gebied Lotharingia genoemd. Da was ’t begun van de noame Lotharingen.
- Karel van Provence krêeg ’t zudelik stik van Bourgondië mè Provence, Lyon en Vienne. Zyn keunienkryk wierd regnum provinciae genoemd.
 |
 |