Geologie van West-Vloandern: verschil tussen versies

't [[Mioceen]], 25 toet 10 [[Ma]] gelêen, is wel interessant omdet 't mêeste van West-Vloandern boovn 't woater staakt, met d'uutzounderienge van 't hêle zuudlike gedêelte woa den der [[zandbank]]n in 'n zêegeule laagn. Da zand bevatte [[yzer (element)|yzer]], en dat is nu de yzerhoudende zandstêen van de Vlamsche Ardenn da je vindt up [[getuugnheuvel]]s (lik [[Kemmelberg]], [[Kasselberg]], [[Katsberg]]).

 

Loater, gedeurende d'ystydn, lag 't zêewoater veel lêger dan nu, en de riviern hen hunder beddienge diepe uutgegraavn. Gedeurende dien tyd is 't er ook veel zand en [[lêem]] van de droge [[Nôordzêe]]vlakte ingewoaid, en da zyn d'uppervlaktelaagn den m'in de mêeste dêeln van West-Vloandern kunn zien. Tussn d'ystydn zyn die vallein ton mêe zand en [[klyte]] upgevuld, en de latste kêe, in 't [[holoceen]], is onze hêle [[Vlamsche kust|kustvlakte]] geleidelik upgevuld toe demme de polders han gelik demme ze nu kenn.