Beatrys: verschil tussen versies

De [[legende]] van Beatrys es ol styf oud en wos ol langer bekend in vele landn. 't Goat over e nunne die kosteresse es in e klooster moa gekweld es deur de liefde (vs. 213: <i>Minne worpt mi onder voet</i>). Ze sprikt were of mei eurn jeugdvriend en smyt uuteindelykuuteindelik eur kappe over d'oage. Z'angt de sleuters van de kappelle an 't Mariabeeld, en tope zettn ze toen an noa e verre stee.

Ze leevn zeevn joarn lyklik keuniengn in [[Vrankryk]] en krygn binsdien twee joenges. Moa oen ze ol under geld verbuuscht ein, lat y ze zittn. Beatrys bluuft ollene achter mei de kinders, zonder geld, zonder teetn. Zeevn joarn lank leeft ze in de grotste oarmoe. Ze komt ollene moa rond deur te beedeln en eur te prostitueern (<i>vs. 448-450: Ic moet gaen dorden noet Buten der stat op tfelt Ende winnen met minen lichame ghelt</i>).

Doaneffers goat de vertellienge ook over de goedeid van mienschn. Wien da missn makt en slichte diengn doet, moa uuteindelykuuteindelik tot inkeer komt en tracht zyn leevn were rechte te krygn, goat iervoorn beloond geroakn; vs. 825-826: <i>Wie aen u soect ghenade, hi vintse, al comt hi spade</i>.

't Veroal van de nunne <i>Beatrys</i> es bewoard gebleevn in e schitterend versierd, uniek andschrift van rond [[1374]]. D'n tekst zelve es van rond [[1300]]. 't Es een van de zuverste stikkn Middelnederlands dien d'r zyn uut dienen tyd. De toale es dudelik [[Brabants]] en es meugelyksmeugeliks in [[Brussel]] geschreevn.

't Andschrift es nu bewoard in de KeunienklikeKeunienklikke Bibliotheke van [[Den Haag]].