Bertelôot

Bertelôot
Bertelôot of zêe-iengel
Taxonomische indêlienge
Ryk: Animalia (Bêestn) Stamme: Chordata (Chordabêestn) Klasse: Chondrichthyes (Kroakbêenvissn) Ounderklasse: Elasmobranchii (Hoain en roggn) Orde: Squatiniformes Familie: Squatinidae (Iengelhoain) Geslacht: Squatina
Sôorte
Squatina squatina Linnaeus, 1758

De bertelôot of zêe-iengel (Squatina squatina) is e vis uut de familie van iengelhoain (Squatinidae).

Uutzicht

De bertelôot is e platte, klêene sôorte hoaie me brêe borstvinn. J'is a-peu-près 0,9-1,2 meter lank en je weegt gemiddeld tout 80 kilo. D'r zyn sôortn die 2,5 meter lank kunn wordn. Under bovenkant is bruungrysde van kleur met ounregelmoatig gevormde, dounkere vlekkn, under buuk is vuulwit. 't Wuvetje is assan veel grotter of 't vintje.

Uutzicht van de zêe-iengel

Leefgebied

De bertelôot is e zoutwoatervis. Je prefereert e gemoatigd klimoat en leeft hoofdzoakelik in den Atlantischn Oceoan, moar ook in de Middellandsche Zêe. Langst uze kust kom j' allêne moa jounge exemploarn teegn, surtout in de zomer.

Eetn

Zêe-iengels eetn surtout vissn, kriftachtign en wêekbêestn.

Vôortplantienge

't Wuvetje is levendboarend, lik de mêeste hoain. In de zomer krygt z' a-peu-près 7 tout 25 joungsjes van ca. 20 cm. lank.

Ofbeeldiengn die ier by passn ku je vien in de categorie Squatina squatina van Wikimedia Commons.

Externe koppelienge

• Fotto's van de bertelôot ip FishBase