Tilloy by Marsenne

Tilloy by Marsenne Tilloy-lez-Marchiennes
Tilloy by Marsenne in't arroundissement Dowoai
Geografie
Regio	Hauts-de-France
Departement	Noorderdepartement
Arroundissement	Dowoai
Kanton	Sin-le-Noble
Coördinoatn	50°25′NB 3°19′OL
Ippervlak	5,5 km²
Inweuners
Inweuners Bevolkiengsdichtheid	516 (2018) 94 inw./km²
Andere
Burgemêester	Marie Cau
Postcode	59870
Webadres

Tilloy by Marsenne ofte geweun in't kort Tilloy (Frans: Tilloy-lez-Marchiennes) es e gemêente in Vrankryk in't Noorderdepartement. 't Ligt hil o de zuudkantn van Frans-Vloandern, mêer bepoald in't arroundissement Dowoai teegn 't schee'n mè 't arroundissement Valencyn. Tilloy grenst an de gemêentn Sars-et-Rosières, Brillon, Bousignies, Millonfosse, Hasnon, Warlaing, Marsenne en Beuvry.

Tilloy by Marsenne es êen van de gemêentn die liggn in't Regionoal Nateurpark in't bekkn van de Skarpe en de Schelde (Parc naturel régional Scarpe-Escaut), zynde 't gebied round Sint-Amands an de Skarpe die beschermd es deur zyn uutgebreyde biodiversityt. De Skarpe strôomt ôok nie ol te vet verre van 't groundgebied van de gemêente, juuste e bitje o de zuudôostkantn, by 't schee'n van de gemêentn Millonfosse en Hasnon. Van 2012 tout 2021 participeerde de gemêente niet mêe an 't Nateurpark totda de gemêenteroad in 2021 besliste van der weere in te stapp'n.

Sport

De finoale van de koerseklassieker Parys-Roubei passeert traditionêel olangsn de gemêente. Ip't groundgebied van Tilloy by Marsenne ligter ôok e kasseystroke: 't begun van de Secteur pavé de Tilloy-lez-Marchiennes à Sars-et-Rosières (secteur 15, e redelyk moeilyke strooke van 4 ster'n die 2,4 kilomèiters lank es). Ôok lôopt er e stik van de Secteur pavé de Warlaing à Brillon (secteur 16, e bitje minder moeilyke strooke van 3 ster'n van ôok 2,4 kilomèiters in langte) deur 't groundgebied van Tilloy.

De kapelle en't monument vo de dôo uut den Êestn Weireldoorloge

Ofbeeldiengn die ier by passn ku je vien in de categorie Tilloy-lez-Marchiennes van Wikimedia Commons.