De Vesder (Frans: Vesdre, Duuts: Weser, Woals: Aiwe di Vesse) is e riviere van 64 km lengte in 't oostn van België, in de provinsje Luuk. De riviere stroomt ook e poar kilometer deur de Duutsche gemeente Roetgen.

Koarte van de Vesder

't Is e zyriviere van de Ourthe. De bronne ligt in d' Hoge Veenn, dichte by de grenze met Duutsland by Monschau. 't Stroomt deur e kunstmoatig meer, 't Eupnmeer of Vesderstuwdam, en ton deur de steedn Eupn, Limburg, Verviers, Pepinster en Chaudfontaine. De Vesder stroomt in Chênée, e poar kilometer van Luuk, de Ourthe in die verder uutmoendt in de Moas.

't Woater van de Vesder hèt 'n hoge zeurtegroad vanwege de veengroend van d' Hoge Veenn, woardeure da 't styf geschikt was vo de textielindustrie roend Verviers. Teegnwoordig wordt 't woater van de Vesder surtout gebruukt vo drienkwoater.

Wikimedia Commons