Vlamsche goai

Vlamsche goai
Taxonomische indêlienge
Ryk: Animalia (Bêestn) Stamme: Chordata (Chordabêestn) Klasse: Aves (Veugels) Orde: Passeriformes (Zangveugels) Familie: Corvidae (Kroaiachtign) Geslacht: Garrulus
Sôorte
Garrulus glandarius Linnaeus, 1758

Nen Vlamsche goai (Garrulus glandarius) es ne veugel van de familie van de kroaiachtign.

Uutzicht

De Vlamsche goai heit een vrêe typisch uutzicht. Ie es oungeveer 34 cm grôot en heit een licht-rost-bruun kleur ip zyne rugge, kop en buuk. Ip zyn witte kele heit ie een zwarte strepe en ip zyn vôorhôofd zwart-wit gestreepte pluumn. Zyn vlerkn zyn zwart, moar me blauwe stikkn tussn.

Eetn

De Vlamsche goai eet eikels en beukenootn, dat ie begroaft en soms were vergeet ip te groavn. Doardeure zorgt ie voo de groei van nieuwe bôomn. Ie eet ôok insektn en eiers van zangveugels.

Verspreidienge

Ie komt overol vôorn in Europa, surtout in noald- en gemingde bossn.

Leevnswyze

Garrulus glandarius

Gelyk iedere veugel begunt ie in 't vôorjoar een nest te moakn in bôomn. Het vrouwke legt oungeveer 6 eiers in het nest, die eiers zyn grysgroen va kleur, me klêene bruune spikkelkes. Olletwêe de ouders broedn de eiers uut. Achter 16 doagn koomn de eiers uut. De joungn bluuvn 3 weekn in udder nest, doarnoa lêern ze vliegn.

Ofbeeldiengn die ier by passn ku je vien in de categorie Garrulus glandarius van Wikimedia Commons.