Zanvôorde (Zunnebeke)

Zanvôorde
Liggienge in de gemêente Zunnebeke
Geografie
Provinsje	West-Vloandern
Gemêente	Zunnebeke
Coördinoatn	50°48′NB 2°58′OL
Oogteliggienge	{{{hoogte}}} m
Ippervlakte	6,68 km²
Inweuners – Bevolkiengsdichtheid	474 (1999) /km²
Vintn Vrown	{{{mannen}}}% {{{vrouwen}}}%
Andre info
Postcode	8980
Zonenummer	{{{netn}}}
[[ofbeeldienge:{{{foto}}}\|300px]] {{{byschrift}}}

Zanvôorde (AN: Zandvoorde) is de klinste dêelgemêente va Zunnebeke. 't Weunn nog gin 500 menschn.

Geschiedenisse

De noame Zanvôorde komt van zand en vôorde (woater woa da je deure kuste wandeln). Ze kwam 'n êeste kêe vôorn in 1102 (toune Santfort).

De kerke va Zanvôorde wierd in 1102 onder 't patronoat van de abdy van Vormezêle gezet. Der stond vroeger e kastêel van de familie de Peñaranda, da woarn Spanjoars die rond 1565, in 't begun van de Tachtigjoarign Oorlog nor ier ofgekommn woarn mi Fernando Álvarez de Toledo, beter bekend gelik de hertog van Alva. Deur te trouwn mi de dochter van den êre van Zanvôorde, wierd den êeste de Peñaranda êre van Zanvôorde in 1813. Z'en ôok enorm vele geld gegeevn an de kerke. Der liggn der nu nog ossan van die familie in e crypte ounder de kerke. Beist den êesten oorloge lag Zanvôorde in bezet gebied. Der stoa nu nog nen Dutsje bunker, woa dan de ôge pietn zoatn om van achter 't front te commandeern.

Attracties

Kykt noa Bouwkundig erfgoed in Zandvôorde (Zunnebeke)

Sint-Bartholomeuskerke in neo-gotisch genre, gebouwd in 1923-1925 vo de oude kerke te vervangn die lyk hêel Zanvôorde in den oorloge plat gesmeetn wos
Beeld uut 1665 van Sint-Corneel, patrôon van de parochie. 't Êenigste in Zanvôorde dat 'n ôorloge overleefd et. Achter 'n ôorloge oungeschoundn were gevoun in ne dyk, in strôoi emballeerd.
Duutsche commandobunker
Plakkoate an 't gebortuus van Romain Brel, voader van Jacques Brel
Gedenkploate nie verre van 't gebortuus mi de tekst van Jacques Brels Mon plat pays
Zantvoorde new British Cemetery
Household Cavalry Monument, vo nen Iengelsche lord en zyn regiment die nie verre van doar dôod gegoan zyn en deur de Duutsche gepreezn zyn voe nunder coerage.
Zanvôordebusschn