Atrecht

Dat artikel es geschreevn in 't Kustwestvlams.

Atrecht Arras

Liggienge in 't Nauw van Kales
Geografie
Regio	Hauts-de-France
Departement	Nauw van Kales
Arroundissement	Atrecht
Kanton	Atrecht-1, -2, -3
Coördinoatn	50°17′NB 2°47′OL
Ippervlak	11,63 km²
Inweuners
Inweuners Bevolkiengsdichtheid	42.337 (2020) 3.640 inw./km²
Andere
Burgemêester	Frédéric Leturque (LC)
Postcode	62000
Webadres	arras.fr

Atrecht (Frans: Arras) is e stad in 't nôordn van Vrankryk en d' hoofdplekke van 't departement Nauw van Kales (Pas-de-Calais). Atrecht is ook den historischn hoofdstad van 't Groafschap Artesië. 't Is achter Kales (Calais) de grotste gemêente van 't Nauw van Kales.

D' ippervlakte van Atrecht bedroagt 11,63 vierkante kilometer. Deur de stad stroomt de riviere de Scarpe. Vanof Atrecht toet an heur moendienge in de Schelde is de Scarpe gekanaliseerd.

Beziënsweirdigheedn bewerkn

De gemêente telt mêer of 200 bouwwerkn die ingeschreevn of geklasseerd zyn os monument historique. Dat is e derde van al de monumentn in 't departement Pas de Calais.
De Grand-Place (Grôte Markt), mêer of 1 hectoare grôot, is sedert de elfste êeuwe de marktplekke van de stad. Oorsproenkelik stoendn der huuzn in hout roend de markt die vanof de zeevntienste êeuwe deur gebouwn in stêen vervangn wierdn. 't Oudste dateert van 1467 en noemt Les Trois Luppards.
De citadelle, e bouwwerk van vestiengbouwer Vauban ter verdedigienge van de stad stoat ip de lyste van UNESCO weirelderfgoed.
't Belfort van Atrecht stoat ip de Place des Héros (Heldnpleing). Die noame wierd achter de Twèede Weireldoorloge gegeevn ter êre van de gefusilleerde inweuners. In de volksmoend noemt 't de Klêene Markt. Hier stoan surtout gildehuuzn.
De vroegere Sint-Voastabdië, nu musee en mediatheke.
De vroegere kerke van d' abdië is nu de kathedroale van Atrecht.
In de bibliotheke ligt êen van d' originele, handgeschreevn dêeln van de ridderroman Karel ende Elegast.
In 't zuudwestn van de stad ligt 't Iengels kerkhof Faubourg d'Amiens Cemetery, 't Arras Memorial en 't Arras Flying Services Memorial mè gesneuveldn van den Êeste Weireldoorloge.

Grôte Markt van Atrecht
't Belfort en 't stadhuus ip 't Heldnpleing
De kathedroale
De citadelle

Ofbeeldiengn die ier by passn ku je vien in de categorie Arras van Wikimedia Commons.