Citrus
| Citrus | |||||||||||||||
|---|---|---|---|---|---|---|---|---|---|---|---|---|---|---|---|
 Citrusvruchtn: seenappel, pompelmoes, citroen en limoen | |||||||||||||||
| Taxonomische indêlienge | |||||||||||||||
| |||||||||||||||
| Geslacht | |||||||||||||||
| Citrus L., 1753 |
Citrus is e geslacht van bloeinde boomn en struukn in de ruutefamilie (Rutaceae). Plantn van 't geslacht produceern citrusvruchtn, woaroender de seenappel, de citroen, de pompelmoes en de limoen. 't Geslacht Citrus komt oorsproenkelyk uut Zuud-Azië, Oost-Azië, Zuudoost-Azië, Melanesië en Australië. Van doaruut gieng de kweek ook verder noa Micronesië, Polynesië en 't Middn-Oostn en via de Middellansche Zee noar Europa.
Vele citrusvruchtn lyk seenappels, mandarienn en clementienn wordn ves g'eetn. Ze wordn ip e typische maniere gepeeld en kunn gemakkelyk in segmentn wordn gesplitst. Pompelmoes wordt geweunlyk in tween gesneen en met e lepel uut de pele g'eetn. Zop van seenappel en pompelmoes zyn populaire drankn by 't eetn 's nuchtns. Zeure citrus, lyk citroen en limoen, wordt over 't algemeen nie alleene g'eetn, moa gebruukt lyk ingredient of garnerienge in verschillige gerechtn.
Soortn
bewerkn- Citrus aurantiifolia (limoen)
- Citrus aurantium (zeure seenappel)
- Citrus bergamia (bergamot)
- Citrus cavaleriei (Ichangpapeda)
- Citrus hystrix (kafferlimoen)
- Citrus japonica (Kumquat)
- Citrus limon (citroen)
- Citrus maxima (pompelmoes)
- Citrus medica (sukadeboom)
- Citrus paradisi (pompelmoes, grapefruit)
- Citrus reticulata (mandarine)
- Citrus sinensis (seenappel)
|
Ofbeeldiengn die ier by passn ku je vien in de categorie Citrus van Wikimedia Commons. |